کاروباری ہفتے کا خوشحال آغاز! اسٹاک ایکسینچج میں سرمایہ کاروں کی موجیں لگ گئیں

کاروباری ہفتے کے پہلے روز پاکستان اسٹاک ایکسچینج میں مثبت رجحان رہا اور 100 انڈیکس میں ایک ہزار 217 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 68 ہزار 303 پر بند ہوا۔

پیر کے روز نئے ہفتے کا آغاز مثبت نوٹ پر ہوا اور یہ تیزی اس وقت دیکھی گئی جب عالمی مالیاتی فنڈ کے ایگزیکٹو بورڈ نے پاکستان کے لیے 1 بلین ڈالر کے قرضے کے اگلے قسط پر فیصلہ کرنا ہے۔

اسٹاک مارکیٹ میں خریداری کے رجحان کی بنیاد بڑے شعبہ جات میں دیکھی گئی جن میں سیمنٹ، کمرشل بینکس، کھاد، تیل و گیس ایکسپلوریشن، آئل مارکیٹنگ کمپنیز اور بجلی کے پیداوار ادارے شامل ہیں۔ انڈیکس پر اثر انداز ہونے والے بڑے اسٹاک جیسے پی او ایل، ایم سی بی، ایچ بی ایل، پی پی ایل، پی ایس او سمیت دیگر شامل ہیں۔

یہ مثبت آغاز گزشتہ ہفتے کی مستحکم کارکردگی کے بعد آیا جب اسٹاک مارکیٹ نے اپنی اوپر کی جانب مسلسل حرکت جاری رکھی تھی۔ جمعہ کو مارکیٹ کے اختتام پر 100 انڈیکس 167,085 پوائنٹس پر بند ہوا، جو ہفتہ وار 0.2 فیصد کے اضافہ کے برابر ہے۔

اسی دوران پاکستانی روپیہ بھی امریکی ڈالر کے مقابلے میں معمولی بہتری کے ساتھ پیش آیا۔ صبح 10 بجے انٹر بینک ٹریڈنگ میں روپیہ 280.23 روپے پر ٹریڈ کر رہا تھا جو 0.19 روپے کے اضافے کا مظہر تھا۔