گوگل نیوز پر ہمیں فالو کریںجیو ہوسٹار پر ریلیز ہونے والی تھرلر فلم مارگن شائقین کی بھرپور توجہ حاصل کر رہی ہے یہ فلم اپنی کہانی، سنسنی خیز مناظر اور غیر متوقع موڑ کی وجہ سے ٹاپ 10 ٹرینڈنگ لسٹ میں جگہ بنانے میں کامیاب ہو چکی ہے۔
فلم کا آغاز دل دہلا دینے والے منظر سے ہوتا ہے جس میں ایک نوجوان لڑکی کو پراسرار طریقے سے قتل کیا جاتا ہے۔ لڑکی کی لاش کا رنگ سیاہ ہو جاتا ہے جو واقعے کو اور زیادہ پُراسرار بنا دیتا ہے۔ اس قتل کی تحقیقات شروع ہوتی ہیں لیکن پولیس کے ہاتھ کچھ نہیں آتا، کیونکہ قاتل کوئی سرا نہیں چھوڑتا۔
کہانی جیسے جیسے آگے بڑھتی ہے اسرار گہرا ہوتا جاتا ہے۔ ناظرین کو مسلسل تجسس میں رکھا جاتا ہے کہ آخر قاتل کون ہے۔ اور یہی وہ عنصر ہے جو فلم کو آخری لمحے تک باندھے رکھتا ہے۔ کلائمیکس میں ایک ایسا انکشاف ہوتا ہے جو شائقین کو حیران کر دیتا ہے۔
فلم میں وجے انٹونی نے مرکزی کردار نبھایا ہے اور ان کی اداکاری کو خوب سراہا جا رہا ہے۔ دیگر اداکاروں اجے دیشن، دیپ شیکھا، ارچنا وغیرہ نے بھی فلم میں بہترین کارکردگی دکھائی ہے۔ فلم کی ہدایت کاری اور کہانی نویسی لیو جان پال نے کی ہے جنہوں نے ہر سین میں تھرل برقرار رکھا ہے۔
فلم مارگن کو آئی ایم ڈی بی 6 اعشاریہ 8 ریٹنگ ملی ہے جو اس کے معیار کی عکاسی کرتی ہے۔ فلم تمل زبان میں بنائی گئی ہے لیکن جیو ہوسٹار پر ہندی میں بھی دستیاب ہے تاکہ زیادہ سے زیادہ ناظرین اسے دیکھ سکیں۔
اگر آپ کو کرائم، تھرل اور سسپنس سے بھرپور فلمیں پسند ہیں اگر آپ ایسی کہانیاں دیکھنا چاہتے ہیں جو پہلے لمحے سے آخری سین تک آپ کو باندھے رکھیں تو مارگن یقیناً آپ کے لیے ایک بہترین انتخاب ہو سکتی ہے۔
