گوگل نیوز پر ہمیں فالو کریںبالی ووڈ اداکارہ اننیا پانڈے، جنہیں چنکی پانڈے کی صاحبزادی ہونے کے ناطے نیپوٹزم کے سب سے بڑے علمبردار کہلانے والے کرن جوہر نے فلم انڈسٹری میں جگہ دی، یہ اعلان کرچکی ہیں کہ وہ آئندہ 5سالوں میں شادی کرلیں گی، لیکن کس سے؟ یہ ایک بڑا سوال ہے۔
اداکارہ اننیا پانڈے کا بالی ووڈ کیرئیر اسٹوڈنٹ آف دی ائیر 2 اور پتی پتنی اور وہ جیسی فلموں سے شروع ہوا۔ بھارتی میڈیا کا کہنا ہے کہ اب تک اس اداکارہ کی چند ہی فلمز باکس آفس پر ہٹ رہی ہیں جبکہ ماضی میں اداکارہ کا نام بزنس مین کے علاوہ کچھ فلمی ستاروں سے بھی منسلک کیا گیا۔
View this post on Instagram
بعض میڈیا رپورٹس نے ان افواہوں کو ہوا دی کہ اداکارہ بالی ووڈ کی پہلی فلم کرنے سے بھی پہلے کرن جے سنگھ کے ساتھ ریلیشن شپ میں تھیں جو ایک کاروباری شخص اور اداکارہ کے فیملی فرینڈ کہلاتے ہیں۔ بعد ازاں اننیا پانڈے کا نام ساتھی فنکار کارتک آریان کے ساتھ بھی لیا جانے لگا۔
View this post on Instagram
بھارتی میڈیا کا کہنا ہے کہ فلم “پتی پتنی اور وہ” کی شوٹنگ کے دوران اننیا پانڈے اور کارتک آریان کے مابین محبت کی افواہیں زیرگردش رہیں لیکن ان دونوں فنکاروں نے ان افواہوں پر کوئی توجہ نہیں دی اور نہ ہی کبھی یہ قبول کیا کہ وہ آپس میں ایک دوسرے سے دوستی یا محبت کرتے ہیں۔
View this post on Instagram
فلم خالی پیلی کی شوٹنگ کے دوران بھی ایسا ہی ایک واقعہ رونما ہوا جب اداکارہ اننیا پانڈے کا نام ساتھی فنکار ایشان کھٹر کے ساتھ منسلک کیا گیا اور دونوں کے تعلقات کے چرچے ہوئے۔ بھارتی میڈیا اب تک قیاس آرائیاں کررہا ہے کہ دونوں نے 3 سال تک ایک دوسرے کے ساتھ ڈیٹنگ کی، تاہم اسے ثابت نہیں کیاجاسکا۔
View this post on Instagram
بعد ازاں فلم عاشقی کے ہیرو آدتیا رائے کپور کے ساتھ بھی اننیا پانڈے کا نام منسلک ہوا اور بھارتی میڈیا کا دعویٰ ہے کہ دونوں کا باہمی رشتہ 2 سال تک قائم بھی رہا کیونکہ دونوں کئی مواقع پر ایک ساتھ نظر آئے لیکن ان کی محبت کی کہانی مبینہ طور پر مارچ 2024 میں اختتام کو پہنچی اور اداکارہ نے ایک اور شخص کی جانب دیکھنا شروع کردیا۔
View this post on Instagram
میڈیا رپورٹس کے مطابق اداکارہ کو سال 2024 میں ماڈل واکر بلیکون کے ساتھ ایک عوامی ایونٹ میں پہلی مرتبہ دیکھا گیا، بھارتی میڈیا کا کہنا ہے کہ اننیا پانڈے نے افیئر کی افواہوں کے دوران ہی اپنے شادی کے پلان پر گفتگو کرتے ہوئے واضح کیا تھا کہ وہ خود کو اداکاری میں ٹاپ پر دیکھنا چاہتی ہیں، شادی اگلے 5سالوں میں کریں گی۔
View this post on Instagram
اننیا پانڈے نے کہا کہ وہ فی الحال اپنی اداکاری کو نکھار رہی ہیں۔ بھارتی میڈیا کا کہنا ہے کہ اننیا پانڈے نے ڈریم گرل 2 اور کیسری چیپٹر 2 کے علاوہ جو فلمز کیں، وہ زیادہ تر فلاپ ہی رہی ہیں، البتہ اداکارہ کے کزن اہان پانڈے نے سیارہ میں بے مثال مقبولیت اپنے نام کی اور ابھی سے بالی ووڈ سپر اسٹار کہلانے لگے ہیں۔
