گوگل نیوز پر ہمیں فالو کریںمداحوں کو اپنے منفرد انداز اور گانوں کی پیروڈی سے ہنسانے والے معروف گلوکار چاہت فتح علی خان کی ایک افسوسناک ویڈیو نے سوشل میڈیا پر تہلکہ مچا دیا ہے، جس میں وہ لندن میں انڈوں سے حملے کے بعد زاروقطار روتے ہوئے دکھائی دے رہے ہیں۔
یہ واقعہ لندن میں منعقدہ ایک تقریب پراٹھا اسٹاپ کے دوران پیش آیا، جہاں وہ اپنے چاہنے والوں کے ساتھ گھل مل رہے تھے۔
عینی شاہدین کے مطابق تقریب خوشگوار انداز میں جاری تھی کہ اچانک چند افراد نے تنقید کا نشانہ بناتے ہوئے انڈے نکالے اور گلوکار کی طرف پھینک دیے۔
آج پہلی بار مجھے اسکی طرف دیکھ کر دکھ ہوا
جس نے بھی اسکو انڈے مارے اس نے بہت غلط کیا
کسی کی تضحیک نہیں کرنی چاہئے pic.twitter.com/vkLdMfYztP— بانکے میاں (@bankay_mian62) September 11, 2025
ان میں سے کچھ انڈے سیدھا چاہت فتح علی خان کو لگے، جس پر وہ آبدیدہ ہوگئے۔ ویڈیو سامنے آتے ہی مداحوں نے سوشل میڈیا پر سخت ردعمل کا اظہار کیا اور اسے ایک انتہائی افسوسناک اور شرمناک حرکت قرار دیا۔
ایک صارف نے لکھا کہ چاہت فتح علی خان جیسے بے ضرر اور خوش مزاج شخص کی اس طرح تذلیل ناقابل برداشت ہے۔
کسی اور نے کہا کہ وہ صرف ایک انٹرٹینر ہیں، کسی پر زبردستی گانے نہیں ٹھونستے، اگر کوئی پسند نہیں کرتا تو نہ دیکھے۔ ایک مداح نے افسوس کا اظہار کرتے ہوئے کہا کہ وہ ہمیں ہنساتے ہیں اور خود رونے پر مجبور ہوگئے، یہ انتہائی نامناسب حرکت ہے۔
مداحوں کی ایک بڑی تعداد نے اس عمل کو غلیظ اور ناقابل معافی قرار دیتے ہوئے کہا کہ چاہت فتح علی خان ایک معصوم اور خوشیاں بانٹنے والے انسان ہیں جنہیں تنقید یا تذلیل کے بجائے عزت ملنی چاہیے۔
کئی صارفین نے اسے پاکستانی فنکار کی بے ادبی اور قومی تذلیل سے بھی تعبیر کیا اور ذمہ داروں کے خلاف کارروائی کا مطالبہ کیا۔
