گوگل نیوز پر ہمیں فالو کریںکمشنر کراچی کی جانب سے پھلوں کی قیمتوں کی نئی فہرست جاری کردی گئی ہے۔
کمشنر کراچی سلیم راجپوت کی جاری کردہ فہرست کے مطابق کیلا درجہ اول فی درجن کے سرکاری نرخ 67روپے، کیلا درجہ دوئم فی درجن کے 52روپے، سیب گولڈن درجہ اول کے سرکاری نرخ 228روپے فی کلو جبکہ سیب درجہ دوئم کے 161 روپے فی کلو مقرر کیے گئے ہیں۔
Price List of Fruits dated: 09.11.2023. Complaints may be sent on Commissioner control room no 1299, Official WhatsApp no: 03160111712, pdf of price lists are available on Commissioner Karachi website: https://t.co/yRABBcJ7Lp pic.twitter.com/2glK3NrDd9
— Commissioner Karachi (@CommissionerKhi) November 9, 2023
جاری کردہ فہرست میں موسمی درجہ اول کی قیمت 127روپے فی کلو جبکہ موسمی درجۂ دوم کی 92 روپے کلو مقرر کی گئی ہے۔ اسی طرح چیکو درجۂ اوّل کی قیمت 117روپے جبکہ چیکو درجۂ دوم کی قیمت 92 روپے کلو مقرر کی گئی ہے۔
دوسری جانب ملک بھر کے تمام یوٹیلیٹی اسٹورز پر گھی اور کوکنگ آئل کی قیمتوں میں کمی کردی گئی ہے، گھی میں 23 روپے فی کلو سے لے کر 38 روپے تک کی کمی کی گئی۔
اس کے علاوہ کوکنگ آئل کی قیمت میں 13 روپے فی لیٹر سے لے کر 36 روپے فی لیٹر تک کی کمی کی گئی۔
ترجمان یوٹیلیٹی اسٹورز کا کہنا ہے کہ نئی قیمتوں کا اطلاق فوری طور پر کردیا گیا ہے، کمی عام صارفین کی سہولت کے لیے کی گئی ہے۔
