گوگل نیوز پر ہمیں فالو کریںراولپنڈی میں ڈینگی وائرس بے قابو ہوگیا ہے، گزشتہ 24 گھنٹوں کے دوران شہر میں مزید 83 افراد ڈینگی وائرس سے متاثر ہوئے ہیں۔
محکمہ صحت نے بتایا کہ رواں برس ڈینگی کے مریضوں کی تعداد 2360 تک پہنچ گئی ہے۔
ضلعی انتظامیہ کے مطابق الائیڈ اسپتالوں میں ڈینگی کے مریضوں کی تعداد 141ہے جبکہ رواں برس ڈینگی کے باعث 3 افراد جاں بحق ہوچکے ہیں۔
کراچی، گھر میں گیس لیکیج سے دھماکا، 5 افراد جھلس گئے
محکمہ صحت کا کہنا ہے کہ الائیڈ اسپتالوں میں داخل 5 مریضوں کی حالت تشویشناک ہے۔
دوسری جانب صوبائی محکمہ صحت کے مطابق سندھ میں 24 گھنٹوں کے دوران 436 افراد میں ڈینگی وائرس کی تصدیق ہوئی ہے۔
اس حوالے سے محکمہ صحت کا کہنا ہے کہ ڈینگی سے متاثرہ 254 افراد کا تعلق کراچی سے ہے اور شہر قائد کے اسپتالوں میں ڈینگی کے مریضوں کی وجہ سے رش بہت زیادہ بڑھ گیا ہے۔
