گوگل نیوز پر ہمیں فالو کریںایک نئی تحقیق میں یہ بات سامنے آئی ہے کہ ایک ہفتے تک ٹھنڈے پانی میں غوطہ خوری کرنا جسم کے خلیوں کو پرانے، بوسیدہ اور ٹوٹے ہوئے حصوں کو صاف کرنے اور ری سائیکل کرنے کے لیے آٹوفجی شروع کرنے کے لیے متحرک کر سکتا ہے۔
العربیہ نے رپورٹ کیا ہے کہ اس سال کے شروع میں نیو اٹلس نے ٹھنڈے پانی میں ڈوبنے اور نہانے کے صحت کے فوائد کے بارے میں ایک مطالعہ پر ایک رپورٹ شائع کی۔ مقصد یہ تھا کہ اس دعوے کی سائنسی بنیاد کو دیکھا جا سکتے۔ محققین نے جن نتائج کو “غیر متوقع” سمجھا ان میں ٹھنڈے پانی میں ڈوبنے سے وابستہ سوزش میں قلیل مدتی اضافہ تھا۔
مسلسل سات دن
جریدے ’’ ایڈوانسڈ بائیولوجی‘‘ میں شائع ایک رپورٹ کے مطابق کینیڈا کی اوٹاوا یونیورسٹی کی جانب سے کی گئی نئی تحقیق سے یہ بات سامنے آئی ہے کہ مسلسل سات دن تک ٹھنڈے پانی میں ڈبونے سے خلیات اپنے حفاظتی افعال میں حقیقی تبدیلیاں لاتے ہیں۔ یونیورسٹی آف اوٹاوا کے سکول آف ہیومن لوکوموشن کے پروفیسر ایمریٹس اور یونیورسٹی کے ہیومن اینڈ انوائرمینٹل فزیالوجی ریسرچ یونٹ کے ڈائریکٹر گلین کینی نے کہا ہےکہ نتائج سے پتہ چلتا ہے کہ سردی کا بار بار استعمال آٹوفجی فنکشن کو نمایاں طور پر بہتر بناتا ہے۔ یہ ایک اہم سیلولر حفاظتی طریقہ کار ہے۔ یہ اضافہ خلیات کو تناؤ کو بہتر طریقے سے منظم کرنے کے قابل بناتا ہے اور صحت اور لمبی عمر کے لیے اہم مضمرات میں سے ایک ہوسکتا ہے۔
آٹوفجی کیا ہے
تصور کریں کہ جسم کا ہر خلیہ ایک چھوٹا سا گھر ہے۔ وقت گزرنے کے ساتھ ان گھروں کے اندر موجود مواد بوڑھا ہو جاتا ، خراب ہو جاتا ہے یا غیر ضروری ہو جاتا ہے ۔ ایسی چیزیں جیسے تباہ شدہ پروٹین، ٹوٹے ہوئے خلیوں کے پرزے یا حملہ آور جراثیم پیدا ہوجاتی ہیں۔ یہاں آٹوفجی صفائی کا عملہ ہے جو فضلہ تلاش کرتا ہے، اسے ایک چھوٹے سے بلبلے میں سمیٹتا ہے اور اسے توڑ دیتا ہے۔ یہ عملہ بچ جانے والی اچھی چیزوں کو دوبارہ استعمال کرتا ہے۔ آٹوفیجی خلیات کو صحت مند رکھتا ہے۔ یہ بیماری سے بچانے میں مدد کرتا اور ورزش یا روزے کے دوران توانائی اور غذائی اجزاء فراہم کرنے میں اہم کردار ادا کرتا ہے۔
روزانہ ایک گھنٹہ
محققین نے 10 صحت مند، جسمانی طور پر فعال مردوں کو، جن کی اوسط عمر 23 سال ہے، کو مسلسل سات دنوں تک روزانہ ایک گھنٹے کے لیے 14 ڈگری سینٹی گریڈ پر پانی میں غوطہ خوری کا کہا تھا۔ محققین نے مردوں کے خون میں پروٹین کی نگرانی کی تاکہ یہ معلوم کیا جا سکے کہ ٹھنڈے پانی میں ڈوبنے سے سیلولر تناؤ کا ردعمل کیا ہوتا ہے۔ ٹوفیجی، سوزش اور گرمی کے جھٹکے کے رد عمل کیا ہوتے ہیں۔
گرمی کا جھٹکا
اگرچہ اس تناظر میں گرمی کے جھٹکے کا نام تھوڑا گمراہ کن ہوگا تاہم “گرمی کے جھٹکے کے ردعمل” سے مراد سیلولر تناؤ ہے۔ جب کوئی شخص ٹھنڈے پانی میں چھلانگ لگاتا ہے تو اس کے خلیے اچانک دباؤ کا شکار ہو جاتے ہیں جو ان کے اندر موجود پروٹینز میں خلل ڈالتا ہے۔ ۔ اس کی وجہ سے وہ غلط فولڈ ہو جاتے ہیں یا گڑبڑ ہو جاتے ہیں۔ پھر جسم کی ہنگامی مرمت کا موڈ گرمی کے جھٹکے کا ردعمل شروع ہو جاتا ہے۔ اس دوران غلط فولڈ پروٹین کو دوبارہ فولڈ کرنے، کلمپنگ کو روکنے اور ری سائیکلنگ کے لیے صحیح معنوں میں خراب پروٹین بھیجنے کے لیے ہیٹ شاک پروٹین تیار کیے جاتے ہیں۔
موافقت کی مدت
ایچ ای پی آر یو میں پوسٹ ڈاکیٹرل فیلو، مطالعہ کی سرکردہ مصنف کیلی کنگ، نے کہا ہے کہ تسلی بخش مدت کے اختتام تک شرکاء کی سردی کو برداشت کرنے کی صلاحیت میں نمایاں بہتری آئی تھی۔ اس سے پتہ چلتا ہے کہ سردی کے لیے ہم آہنگ ہونے سے جسم کو سخت ماحولیاتی حالات میں مؤثر طریقے سے ڈھالنے میں مدد مل سکتی ہے۔
