گوگل نیوز پر ہمیں فالو کریںراولپنڈی اور اسلام آباد سمیت ملک کے مختلف شہروں میں زلزلے کے جھٹکے محسوس کیے گئے جس کے باعث عوام میں خوف و ہراس پھیل گیا۔
جڑواں شہروں اور گردونواح کے ساتھ ساتھ پنجاب اور خیبرپختونخوا کے مختلف علاقوں میں زلزلے کے جھٹکے ریکارڈ کیے گئے۔ پشاور، سوات، اپر دیر، اٹک اور چترال میں خوفزدہ لوگ گھروں اور دفاتر سے باہر نکل آئے۔
محکمہ زلزلہ پیما کے مطابق ریکٹر اسکیل پر زلزلے کی شدت 5.5 ریکارڈ کی گئی جبکہ اس کی گہرائی 195 کلومیٹر زیرِ زمین تھی۔ زلزلے کا مرکز افغانستان کے ہندوکش کا پہاڑی علاقہ بتایا گیا۔
متاثرہ شہروں میں لوگ گھروں سے نکلتے ہوئے کلمہ طیبہ کا ورد کرتے رہے۔ خوش قسمتی سے زلزلے کے نتیجے میں کسی جانی نقصان کی اطلاع موصول نہیں ہوئی۔
