گوگل نیوز پر ہمیں فالو کریںسوشل میڈیا پرسنالٹی ایمان اپنی زندگی کے ایک نئے اور خوشگوار مرحلے میں داخل ہو چکی ہیں۔ رجب بٹ کے ساتھ اختلافات ختم کرنے کے بعد وہ اپنے گھر واپس آئیں اور دونوں اب اپنے پہلے بچے کی آمد کے منتظر ہیں۔ اسی موقع پر ایمان کے اہل خانہ نے نہایت محبت اور جوش و خروش کے ساتھ رسومِ گود بھرائی کی تقریب کا اہتمام کیا۔
ایمان نے تقریب میں شاندار لباس اور دلکش انداز کے ساتھ شرکت کی، اور ان کی خوشی ان کے چہرے سے جھلک رہی تھی تاہم تقریب کی چمک اور ایمان کی مسکراہٹ کو ماند کر دینے والی چیز ان کے شوہر رجب بٹ کی نمایاں غیر موجودگی تھی۔
تقریب کے دوران ایمان کئی مرتبہ اپنے جذبات پر قابو نہ رکھ سکیں اور آنکھوں میں آنسو آ گئے، مگر انہوں نے صبر و حوصلے سے خود کو سنبھالا۔
اس موقع پر ان کے اہل خانہ نے انہیں ڈھارس دی اور محبت و خیال کے ساتھ گھیرے رکھا، جبکہ تقریب میں شریک مہمانوں کو تحائف بھی تقسیم کیے گئے۔
دوسری جانب، میڈیا رپورٹس کے مطابق رجب بٹ اس وقت ملک سے باہر ہیں اور ان پر مختلف مقدمات میں گرفتاری کے خدشات ہیں۔
نیشنل سائبر کرائم انویسٹی گیشن ایجنسی نے غیر قانونی آن لائن بیٹنگ اور ٹریڈنگ ایپس کی تشہیر کرنے والے کئی سوشل میڈیا شخصیات کے خلاف کریک ڈاؤن تیز کر دیا ہے۔
ایجنسی کے ترجمان کے مطابق، محمد انس علی، اقرا کنول اور رجب بٹ پر الزام ہے کہ انہوں نے اپنے پلیٹ فارمز کے ذریعے غیر ریگولیٹڈ ایپس کو فروغ دیاجو نوجوانوں کو غیر معمولی منافع کے لالچ میں گمراہ کرتی رہی ہیں۔
اس حوالے سے دو الگ تحقیقات جاری ہیں۔ ایک کیس میں انس علی اور اقرا کنول کو دوسرا نوٹس بھیجا جا چکا ہے، جبکہ دوسرے کیس میں رجب بٹ کو پہلا نوٹس جاری کیا گیا ہے۔
