بھارتی معاشرہ غیر مستحکم قیادت کے باعث زوال پذیر ہے۔فواد چوہدری

اسلام آباد: وفاقی وزیرِ اطلاعات و نشریات فواد چوہدری نے کہا ہے کہ بھارتی معاشرہ مودی حکومت کی غیر مستحکم قیادت کے باعث زوال پذیر ہے۔ شہریوں کو حجاب پہننے کی بھی آزادی ہونی چاہئے۔

سماجی رابطے کی ویب سائٹ ٹوئٹر پر گزشتہ روز اپنے پیغام میں وزیرِ اطلاعات فواد چوہدری نے کہا کہ مودی کے بھارت میں حالات خوفناک حد تک خراب ہیں، غیر مستحکم قیادت بھارتی معاشرے کے زوال کی وجہ ہے۔

یہ بھی پڑھیں:

بھارتی مسلم طالبہ کا انتہاء پسندوں کے سامنے اللہ اکبر کا نعرہ ٹاپ ٹرینڈ بن گیا

What’s going on in #ModiEndia is terrifying, Indian Society is declining with super speed under unstable leadership. Wearing #Hujab is a personal choice just as any other dress citizens must be given free choice #AllahHuAkbar

— Ch Fawad Hussain (@fawadchaudhry) February 8, 2022

ٹوئٹر پیغام میں مسلمان لڑکی کو ہراساں کرنے کے واقعے پر ردِ عمل دیتے ہوئے فواد چوہدری نے کہا کہ حجاب پہننا بھی دیگر لباس کی طرح شہریوں کی پسند نا پسند پر منحصر ہے۔ مودی حکومت کو بھارتی شہریوں کو لباس کی آزادی دینا ہوگی۔ 

خیال رہے کہ مودی حکومت مسلمان شہریوں کے بنیادی انسانی حقوق کی حفاظت میں ناکام ہوگئی۔ اس سے قبل بھارتی ریاست کرناٹک میں مسلم طالبہ کو ہراساں کیا گیا، طالبہ کا انتہاء پسند ہندوؤں کے سامنے اللہ اکبر کا نعرہ ٹاپ ٹرینڈ بن گیا۔

انتہا پسند جماعت بی جے پی کے اسٹوڈنٹس ونگ کے غنڈوں نے کالجوں میں غنڈہ راج قائم کردیا ہے، با حجاب لڑکیوں کو ہراساں کرنے کی کوشش بھی کی جبکہ نڈر مسلم طالبہ نے غنڈوں کے سامنے اللہ اکبر کی صدا بلند کردی۔