گوگل نیوز پر ہمیں فالو کریںفیصل آباد: مسلم لیگ ن کی نائب صدر مریم نواز کو قتل کی دھمکی دینے والے شخص کووفاقی تحقیقاتی ایجنسی (ایف آئی اے) کے سائبرکرائم ونگ نے گرفتار کرلیا۔
ایف آئی اے سائبرکرائم ونگ کے جاری کردہ بیان میں کہا گیا ہے کہ ملزم نے حلقہ این اے 108 کی انتخابی مہم کے دوران مسلم لیگ ن کی نائب صدر مریم نواز کو قتل کی دھمکیاں دی تھی۔
ایف آئی اے ذرائع کا کہنا ہے کہ ایک ہفتے بعد ملزم کے خلاف مقدمہ درج کرکے اسے ستارہ کالونی سے آج حراست میں لیا گیا ہے۔
ایف آئی اے سائبرکرائم کے مطابق سوشل میڈیا پر وائرل ہونے والی ویڈیو میں جس وقت دھمکی دی گئی اس وقت سابق ڈپٹی اسپیکر قاسم سوری بھی موجود تھے۔
