گوگل نیوز پر ہمیں فالو کریںپاکستان میں سونے کی قیمتوں میں پیر کے روز نمایاں کمی دیکھنے میں آئی جو بین الاقوامی منڈی میں قیمتوں کے نزولی رجحان کا عکس ہے ،آج دوپہر کو نئے ریٹس آنے تک ملک میں گزشتہ روز کے نرخوں پر ہی کاروبار ہوگا۔
آل پاکستان جیمز اینڈ جیولرز صرافہ ایسوسی ایشن کے مطابق مقامی صرافہ مارکیٹ میں فی تولہ سونے کی قیمت 2600 روپے کمی کے بعد 3 لاکھ 51 ہزار 500 روپے پر آ گئی۔
اسی طرح 10 گرام سونے کی قیمت میں 2228 روپے کمی ہوئی جس کے بعد نئی قیمت 3 لاکھ 1 ہزار 354 روپے ہو گئی۔
یہ کمی اس اضافے کے بعد سامنے آئی ہے جو ہفتے کے روز ریکارڈ کیا گیا تھا، جب سونے کی قیمت میں 3100 روپے فی تولہ اضافہ ہوا تھا اور نئی قیمت 3 لاکھ 54 ہزار 100 روپے تک جا پہنچی تھی۔
بین الاقوامی مارکیٹ میں بھی سونے کی قیمت میں کمی ریکارڈ کی گئی، جہاں فی اونس سونا 26 ڈالر کی کمی کے بعد 3,331 ڈالر پر آ گیا۔
دوسری جانب مقامی مارکیٹ میں چاندی کی قیمت میں کوئی تبدیلی نہیں آئی اور یہ بدستور 3508 روپے فی تولہ پر برقرار رہی۔
