گوگل نیوز پر ہمیں فالو کریںپاکستان کرکٹ ٹیم کی حالیہ چیمپئنز ٹرافی میں مایوس کن کارکردگی اور افغانستان کی انگلینڈ کیخلاف کامیابی کے بعد سوشل میڈیا پر ایک طوفان برپا ہے۔
مداحوں کی مایوسی نے طنز و مزاح کا رنگ اختیار کر لیا اور ہر طرف میمز کی بہار آگئی۔ جہاں قومی ٹیم کے شائقین شدید غصے کا اظہار کر رہے ہیں، وہیں کچھ صارفین اپنی خفگی کو دلچسپ میمز کی شکل میں پیش کر رہے ہیں۔
شکر ہے افغانستان سے میچ نہیں تھا! پاکستان کی ناکامی پر ایک دلچسپ ٹوئٹ کرتے ہوئے شیرازی ٹوئٹس نے لکھا، شکر ہے ہمارا افغانستان سے میچ نہیں تھا، ورنہ ہمارا سافٹ ویئر بھی اپڈیٹ ہو جاتا۔
یہ تبصرہ افغان ٹیم کی حالیہ شاندار کارکردگی کی جانب اشارہ تھا، جہاں انہوں نے بڑی ٹیموں کو اپ سیٹ کر کے اپنی برتری ثابت کی ہے۔
بنگلہ دیش سے ہارے تو اگلی چیمپئنز ٹرافی بھول جائیں! ایک اور صارف نے یاد دلایا کہ اگر پاکستان اپنا آخری گروپ میچ بنگلہ دیش کے خلاف ہار گیا تو اگلی چیمپئنز ٹرافی سے بھی باہر ہو جائے گا، بالکل ویسے جیسے سری لنکا اور ویسٹ انڈیز اس بار کوالیفائی نہیں کر سکے۔
ایک صارف نے تبصرہ کیا: یہ ٹیم چیمپئنز ٹرافی کھیل رہی ہے یا چیمپئنز ٹرافی سے ٹیم کو باہر نکالنے آئی ہے؟
ٹیم کی خراب پرفارمنس پر طنز کرتے ہوئے ایک ڈمپر ڈرائیور نے معصومانہ خواہش کا اظہار کیا کہ پاکستان کرکٹ ٹیم کو کراچی کی سڑکوں پر بائیک کی سیر کروائی جائے۔
ٹیم میں کوچ ہے یا صرف کوچ چل رہی ہے؟ مداحوں کی جانب سے کوچنگ اسٹاف کو بھی آڑے ہاتھوں لیا گیا۔ ایک میم میں کوچ کے بجائے بس کی تصویر لگا کر لکھا گیا، یہ ٹیم میں کوچ ہے یا بس کوچ ہی چل رہی ہے؟
پاکستانی ٹیم کی پرفارمنس = لاہوری ناشتہ! ایک اور میم میں پاکستانی ٹیم کی کارکردگی کو لاہور کے ناشتے سے تشبیہ دی گئی: شروعات زبردست، درمیان میں آئل زیادہ، آخر میں ہاتھ ملتے رہ گئے!
یہ تمام میمز اور تبصرے پاکستان کرکٹ ٹیم کی کارکردگی پر مداحوں کی شدید مایوسی کی عکاسی کرتے ہیں۔
