ہما قریشی ہر سال بیرونِ ملک اداکاری کے جوہر دکھانے کیلئے تیار

بالی ووڈ فلم انڈسٹری کی معروف اداکارہ ہما قریشی نے کہا ہے کہ میں ہر سال بھارت سے باہر جا کر اداکاری کیلئے تیار ہوں، ہالی ووڈ ڈائریکٹر زیک اسنائیڈر کے ہمراہ کام کا تجربہ اہم رہا۔

تفصیلات کے مطابق بھارتی اداکارہ ہما قریشی بڑے بجٹ کی زومبی فلم آرمی آف دی ڈیڈ میں گیتا کا کردار نبھاتی نظر آئیں، جو گزشتہ برس 2021 میں ریلیز کی گئی تھی۔حال ہی میں اپنے ایک بیان میں اداکارہ نے ہر سال نئی ہالی ووڈ فلم میں کام ملنے کی امید ظاہر کی۔

یہ بھی پڑھیں:

آمنہ الیاس کا والدہ سے غبارے پھلانے کا مقابلہ، سوشل میڈیا پر ویڈیو وائرل

 بیل باٹم، گینگز آف واسع پور، جولی ایل ایل بی 2، کالا، بدلہ پور، ایک تھی ڈائن اور ڈیڑھ عشقیہ سمیت درجنوں بالی ووڈ فلموں میں اداکاری کے جوہر دکھانے والی ہما قریشی کا کہنا ہے کہ میں ہمیشہ سے اچھے فلمسازوں کے ساتھ کام کرنا چاہتی تھی۔

بھارتی اداکارہ نے کہا کہ ہالی وود ڈائریکٹر زیک سنائیڈر کی بڑی مداح ہوں، ان کے ساتھ کام کرنے کا تجربہ یادگار رہا، ہر سال بیرونِ ملک کم از کم ایک پراجیکٹ کرنا چاہوں گی۔ ہما قریشی نے نئی آنے والی فلم متھیا کے متعلق بھی انکشافات کیے۔

متھیا میں ہما قریشی کو ایک سانولے رنگ کی ٹیچر کا کردار دیا گیا ہے۔ ہما قریشی کا کہنا ہے کہ زندگی بڑی پیچیدہ ہے۔ ناظرین کی حیثیت سے چیزوں کو اچھا، برا، صحیح یا غلط کے طور پر دیکھنا دلچسپ نہیں۔خوشی ہے کہ ہماری کہانیوں میں سانولا رنگ نظر آیا۔