ماحولیاتی تبدیلوں کے باعث بھارت نے لاکھوں دھواں چھوڑنے والی گاڑیوں کو سڑکوں سے ہٹانے کا منصوبہ بنایا ہے۔
یاد رہے بھارتی حکومت نے پچھلے سال لازمی قرار دیا تھا کہ 2 سال سے زائد پرانی ذاتی گاڑیوں اور 15 سال سے زائد پرانی کمرشل گاڑیوں کو سڑک پر لانے کے لیے فٹنس ٹیسٹ لازمی کروانا ہو گا۔
سروے میں نصف سے زیادہ صارفین نے کہا کہ وہ اپنی گاڑیوں کی تعداد کو کم کرنے کا ارادہ رکھتے ہیں کیونکہ کلنکرز پالیسی (دھواں چھوڑنے والی گاڑیوں سے متعلق پالیسی) کے تحت پرانی گاڑیاں رکھنا اب زیادہ مہنگا ہو جائے گا۔
واضح رہے کہ بھارت نے رواں برس اپریل سے آٹو فٹنس ٹیسٹ کو مزید مہنگا کر دیا ہے جس کے تحت 15 سال سے زائد پرانی گاڑیاں رکھنے والوں کو اب اپنی رجسٹریشن کی تجدید کے لیے 8 گنا زیادہ فیس ادا کرنی ہو گی۔
بھارت کے سینٹر فار سائنس اینڈ انوائرمنٹ کی پیش گوئی کے مطابق 2025 تک بھارت میں 20 ملین پرانی گاڑیاں اپنی عمر کے خاتمے کے قریب ہوں گی جس سے ماحولیات کو بہت زیادہ نقصان پہنچے گا۔
گوگل نیوز پر ہمیں فالو کریں
