گوگل نیوز پر ہمیں فالو کریںبالی ووڈ کے معروف اداکار گووِندا اپنے ہی ریوالور سے اتفاقیہ گولی چلنے کے باعث زخمی ہوگئے۔ زخمی گووندا کی حالت خطرے سے باہر ہے جنہیں دیکھنے کیلئے کشمیرہ شاہ اور ڈیوڈ دھون سمیت متعدد اداکار اسپتال پہنچ گئے۔
نوے کی دہائی میں فلم انڈسٹری پر اپنی درجنوں بلاک بسٹر فلمز کے باعث راج کرنے والے گووِندا کو زخمی ہوجانے کے باعث اسپتال داخل کرایا گیا تھا۔ جہاں ان کی حالت پہلے سے بہت بہتر ہے اور انہیں عام مریضوں کے وارڈ میں منتقل کردیا گیا ہے۔
بھارتی میڈیا کا کہنا ہے کہ گووندا کو آج اسپتال سے ڈسچارج کردیا جائے گا جس کا فیصلہ ڈاکٹرز گووندا کی ٹانگ پر گولی سے لگنے والے زخم کو دیکھتے ہوئے کریں گے تاہم ان کے قریبی ذرائع کاکہنا ہے کہ گووندا کی طبیعت پہلے سے بہت بہتر ہے۔
View this post on Instagram
میڈیا رپورٹس کے مطابق اداکار گووندا سے اسپتال ملاقات کیلئے آنے والے بالی ووڈ اداکاروں میں شتروگن سنہا، کشمیرہ شاہ اور ہدایت کار ڈیوڈ دھون شامل ہیں۔ ڈیوڈ ڈھون نے ماضی میں اپنی کئی مزاحیہ فلمز میں گووندا کو کاسٹ کیا اور ہمیشہ ان کی تعریف کی۔
فلموں میں بے شک گووندا کی مانگ کم ہوچکی ہو لیکن حال ہی میں گووندا نے ٹی وی کی دنیا کا رخ کرلیا جہاں زی ٹی وی کے میوزک پروگرام سارے گاماپا میں گووندا کی گرینڈ فنالے میں شرکت کو بے حد سراہا گیا اور انہوں نے اسٹیج پر رقص بھی کیا تھا۔
View this post on Instagram
اس سے قبل مزاحیہ فنکار اور بالی ووڈ اداکار سدیش لہری کا کہنا تھا کہ فوری طور پر تو گووندا کے متعلق یہ نہیں کہا جاسکتا کہ وہ ٹھیک ہوگئے ہیں اور انہیں اسپتال سے ڈسچارج کردیا جائے گا لیکن اچھے طریقے سے بات کر رہے ہیں اور سب کی دعائیں اور پیار ان کے ساتھ ہے۔
