گوگل نیوز پر ہمیں فالو کریںپاکستان اسٹاک ایکسچینج میں آج مثبت رجحان دیکھا گیا جہاں 100 انڈیکس نے 1000 سے زائد پوائنٹس اضافے سے 1 لاکھ 56 ہزار 417 کی سطح پہنچ گیا ہے، مارکیٹ میں سرمایہ کاروں کی جانب سے خریداری کا رجحان غالب رہا جس کے نتیجے میں انڈیکس میں 0.55 فیصد اضافہ ہوا۔
مارکیٹ کی جانب سے عمومی طور پر سرمایہ کاری کے مواقع کی تلاش جاری ہے اور مختلف شعبوں میں کمپنیوں کے حصص میں اضافہ ریکارڈ کیا گیا خاص طور پر PACE نے 9.47 روپے کی قیمت کے ساتھ 1 روپے کا اضافہ کیا اور سب سے زیادہ تجارتی حجم 19 لاکھ 23 ہزار حصص کے ساتھ ظاہر کیا اسی طرح PIBTL کے حصص میں بھی نمایاں بہتری دیکھی گئی، جس کی قیمت 12.95 روپے پر پہنچ گئی۔
فیوچرز مارکیٹ میں بھی سرگرمی رہی جہاں OGDC، PAEL اور PPL کے حصص میں معمولی اضافہ دیکھا گیا، جو مجموعی مارکیٹ کے مثبت اثرات کی عکاسی کرتا ہے۔
کل مارکیٹ حجم 2 کروڑ 16 لاکھ 76 ہزار حصص رہا اور مارکیٹ کی کل مالیت 12 ارب 62 کروڑ روپے سے زائد رہی، جو سرمایہ کاروں کے اعتماد کا ثبوت ہے۔
ماہرین کے مطابق، عالمی اور ملکی اقتصادی حالات میں استحکام کے باعث اسٹاک مارکیٹ میں یہ مثبت رجحان جاری رہنے کے امکانات ہیں تاہم سرمایہ کاروں کو محتاط رہنے اور مارکیٹ کی حرکت پر نظر رکھنے کی بھی ہدایت کی گئی ہے۔
