گوگل نیوز پر ہمیں فالو کریںمتحدہ عرب امارات میں مقیم پاکستانی صحافی صادق سلیم نے فلم فیئرمڈل ایسٹ ایواڑدز کی تقریب میں بھارتی اداکاروں کی تعریف کرنے پر فہد مصطفیٰ کو آڑے ہاتھوں لے لیا۔
فوٹواینڈ ویڈیو شیئرنگ ایپ انسٹاگرام کی اسٹوری میں صادق سلیم نے فہد مصطفیٰ کانام لیے بغیر کہا کہ اتنے بڑے پلیٹ فارمز پر پاکستانی اداکاروں کو سوچ سمجھ کر تقریر کرنی چاہیئے ناکہ کسی کا مداح بن کر،انھیں اپنے ذہن میں یہ رکھ کر تقریر دینی چاہیئے کہ انہوں نے اپنی صلاحیتوں سے اسے حاصل کیا ہے ناکہ کسی نے اُن پر ترس کھایا ہے۔
انہوں نے کہا کہ ایسے پلیٹ فارمز پر پاکستانی اداکاروں کو اپنی مقامی فلموں اور انڈسٹری کو فروغ دینےکیلئے کوشش کرنی چاہیئے۔
یاد رہے کہ گزشتہ دنوں فہد مصطفیٰ نے دبئی میں ’فلم فیئر مڈل ایسٹ اچیورز نائٹ‘ کے موقع پر ایوارڈ وصول کرنے کے بعد کہا تھا کہ چاہے پاکستانی فلم فیئر ہو یا بھارتی فلم فیئر کے اسٹیج پر کھڑے ہونا ہو دونوں ہی بہت بڑے اعزاز کی بات ہیں۔
کیا شوبز انڈسٹری میں ایک بھی موٹی اداکارہ نہیں ہے؟
اُنہوں نے ساتھی اداکارہ سجل علی کے حوالے سے کہا کہ ابھی کچھ دیر پہلے سجل نے یہاں کھڑے ہوکر اپنے جذبات کا بہت زبردست انداز میں اظہار کیا۔
فہد مصطفیٰ نےایوارڈ ملنے پر خوشی کا اظہار کرتے ہوئے یہ بتایا کہ میں نے اداکار بننے کا فیصلہ بھارتی اداکار گووندا سے متاثر ہوکر کیا تھا۔
انہوں نے تقریب میں موجود گووندا سے مخاطب ہوتے ہوئے کہا کہ سر میں آپ کا مداح ہوں اور میں ہمیشہ یہ سوچتا تھا کہ جب بھی اداکاری کرنی ہے آپ کے جیسی ہی کرنی ہے۔
