گوگل نیوز پر ہمیں فالو کریںلاہور: مسلم لیگ ن کی نائب صدر اور سابق وزیراعطم نواز شریف کی صاحبزادی مریم نواز نے کہا کہ الیکشن کمیشن کو دن رات گالیاں دینے والے عمران خان کو آج کا فیصلہ دیکھ کر شرم تو آئی ہوگی۔
سماجی رابطے کی ویب سائٹ ٹوئٹر پر مریم نواز نے اپنے پیغام میں کہا کہ پی ٹی آئی کچھ بھی کرلے، شیر سے پنجاب چھیننے کا خواب چکنا چور ہوگا انشاءاللّہ۔ پنجابیوں کو اپنے صوبے کو فرح گوگی کی لوٹ مار اور تباہی کے حوالے کر دینے پر شدید غصہ ہے جس کا حساب وہ انتخابات میں چکتا کر دیں گے۔
PTI کچھ بھی کرلے،شیر سے پنجاب چھیننے کا خواب چکنا چور ہو گا انشاءاللّہ۔پنجابیوں کو اپنے صوبے کو فرح گوگی کی لوٹ مار اور تباہی کے حوالے کر دینے پر شدید غصہ ہے جس کا حساب وہ انتخابات میں چکتا کر دیں گے۔ECP کو دن رات گالیاں دینے والے عمران خان کو آج تھوڑی شرم تو آئی ہو گی مگر کہاں!
— Maryam Nawaz Sharif (@MaryamNSharif) May 20, 2022
انہوں نے کہا کہ الیکشن کمیشن کو دن رات گالیاں دینے والے عمران خان کو آج شرم تو آئی ہو گی، مگر کہاں!
دوسری جانب وزیر اطلاعات مریم اورنگزیب نے کہا ہے کہ الیکشن کمیشن کے فیصلے سے پنجاب حکومت پر کوئی فرق نہیں پڑے گا۔ انہوں نے کہا کہ عمران خان ڈی سیٹ ہونے والے 25اراکین سے محروم ہوئے ہیں، جنہوں نے آپ کو ووٹ دیا ان سب کو آپ نے مایوس کیا۔
مریم اورنگزیب کا کہنا تھا کہ پنجاب میں آج تحریک انصاف 25 اراکین سے محروم ہوا ہے، آج جو الیکشن کمیشن کے فیصلے پر جشن منا رہا ہے ان کو ماتم کرنا چاہیے۔
خیال رہے کہ الیکشن کمیشن نے پنجاب اسمبلی میں پی ٹی آئی کے 25 منحرف ارکان کو نا اہل قرار دیا ہے۔ الیکشن کمیشن نے پی ٹی آئی کے منحرف اراکین کی نااہلی سے متعلق ریفرنسز منظور کر لیے۔ فیصلے میں کہا گیا کہ پی ٹی آئی کے 25 منحرف ارکان نے مخالف امیدوار کو ووٹ کاسٹ کیا جو ثابت ہو گیا۔
یہ بھی پڑھیں: الیکشن کمیشن کے آج کے فیصلے سے خوشی ہوئی، پرویز الہٰی
