پاکستان تحریک انصاف کے منحرف رکن راجا ریاض قومی اسمبلی میں قائد حزب اختلاف مقرر

یہ بھی پڑھیں: آئندہ مالی سال کا بجٹ 10 جون کو قومی اسمبلی میں پیش کیا جائے گا

خیال رہے کہ قائد حزب اختلاف کے عہدے کے لیے پاکستان تحریک انصاف کے منحرف رکن راجا ریاض احمد اور گرینڈ ڈیموکریٹک الائنس (جی ڈی اے) کے غوث بخش خان مہر نے اپنی درخواستیں جمع کرائیں۔

قائد حزب اختلاف کے عہدے کیلئے راجا ریاض احمد کی درخواست پر 16 اپوزیشن اراکین جبکہ غوث بخش خان مہر کی درخواست پر 6 اراکین کے دستخط موجود تھے۔

اسپیکر قومی اسمبلی راجا پرویز اشرف نے قومی اسمبلی کے قواعد و ضوابط کے تحت حزب اختلاف کے اراکین کی اکثریت کی حمایت حاصل ہونے پر راجا ریاض احمد کا بطور اپوزیشن لیڈر تقرر کیا۔

یاد رہے کہ سابق وزیر اعظم عمران خان کے خلاف تحریک عدم اعتماد پیش کیے جانے کے بعد حکمران جماعت پاکستان تحریک انصاف (پی ٹی آئی) کے 4 منحرف ارکان قومی اسمبلی سندھ ہاؤس اسلام آباد میں موجود تھے جہاں راجا ریاض نے کہا تھا کہ ہمارے ساتھ 24 ارکان ہیں جو ضمیر کے مطابق ووٹ دیں گے۔