گوگل نیوز پر ہمیں فالو کریںاسلام آباد: افغانستان میں طالبان کے قبضے کے بعد پاکستان میں بھی طالبان کے نام پر دھونس دھمکیوں کا سلسلہ شروع ہوگیا،اسلام آباد کی لال مسجد کے خطیب مولانا عبدالعزیز کی پولیس کو دھمکیاں دینے کی ویڈیو وائرل ہوگئی۔
اسلام آباد پولیس کے اہلکار جامعہ حفصہ سے امارت اسلامی کا پرچم اتروانے کیلئے پہنچے تھے جہاں انہیں مولانا عبدالعزیز نے دھمکیاںدیں۔شیڈول فور میں شامل مولانا عبدالعزیز نے پولیس اہلکاروں کو دھمکیاں دی تھیں کہ اس نوکری پر لعنت بھیجو، طالبان آئیں گے، پاکستان کے طالبان آپ کا حشر کردیں گے۔
پڑوسی اسلامی ملک افغانستان میں شاگردوں کی حکومت ہو تو اساتذہ کا یہ لہجہ قابل تعجب نہیں۔
یہ تو حالت بے بسی کی دھمکی ہے۔انکا تھوڑا سا بس چلیں تو چوراہوں میں لاشیں لٹکائیں ۔ جو ہم نے دیکھا ہے سوات میں۔
Vedio: @Roohan_Ahmed
pic.twitter.com/JGvErXuHuF— Ziauddin Yousafzai (@ZiauddinY) September 18, 2021
واضح رہے کہ پولیس نے جامعہ حفصہ پر لہرایا گیا امارتِ اسلامی کا جھنڈا اتروادیا ہے جبکہ مولانا عبدالعزیز کیخلاف مقدمہ بھی درج کرلیا ہے،ذرائع کے مطابق مقدمہ میں غیر قانونی اسلحہ رکھنے، لوگوں کو اکسانے اور خوف و ہراس پھیلانے کی دفعات شامل کی گئی ہیںتاہم ان کی دھمکیوں کی ویڈیو سامنے آنے کے بعد ملک کے سنجیدہ حلقوں میں کالعدم ٹی ٹی پی کے حوالے سے تشویش میں مزید اضافہ ہوگیا ہے۔
مزید پڑھیں:مستحکم افغانستان نہ صرف پاکستان بلکہ سارے خطے کےلیے اہمیت کا حامل ہے، وزیر خارجہ
یاد رہے کہ افغانستان میں اس وقت افغان طالبان اقتدار سنبھال چکے ہیں جبکہ افغانستان میں طالبان کے قبضے کے بعد پاکستان میں بھی طالبان کے حامیوں نے سیکورٹی اداروں کو دھمکیاں دینے کا سلسلہ شروع کردیا ہے۔
روک سکو تو روک لو ???? https://t.co/ARJyUa8Tci
— Asma Shirazi (@asmashirazi) September 18, 2021
سمجھ میں آ نا دشوار ہے کہ یہ ایک شخص ایک مسجد اور مدرسہ جو دارالحکومت کے قلب میں واقع ہے وہ ریاست سے بھی زیادہ طاقتور کیسے ہے یا ریاست ریت کے ستونوں پر قائم ہے کہ آج جامعہ حفصہ پر پھر طالبان کا پرچم لہرا رہا ہے اور پولیس ان دے مذاکرات کر رہی ہے. کیا قانون صرف میرے لیے ہے
— Muhammad Iqbal محمد اقبال (@iqbal2763) September 18, 2021
