گوگل نیوز پر ہمیں فالو کریںمولانا طارق جمیل کے بیٹے مولانا یوسف جمیل نے سوشل میڈیا شخصیت ڈاکٹر نبیحہ علی خان پر ان کے نکاح کے دوران مولانا طارق جمیل کے گھر میں غیر مناسب رویے پر سخت تنقید کی ہے، انہوں نے کہا کہ نکاح جیسے مقدس موقع پر گانے گانا اور ٹک ٹاک ویڈیوز بنانا نازیبا اور بے ادبی تھی۔
مولانا یوسف جمیل نے سوشل میڈیا پر جاری بحث کے تناظر میں وضاحت کی کہ بعض لوگوں نے سوال اٹھایا کہ مولانا طارق جمیل ڈاکٹر نبیحہ کے قریب کیوں بیٹھے جس پر انہوں نے واضح کیا کہ ان کے والد ایک بزرگ شخصیت ہیں اور جوان خواتین کو اپنی بیٹی یا بہن کے برابر سمجھتے ہیں۔
انہوں نے کہا کہ مولانا صاحب نے ہزاروں نکاح کرائے ہیں اور یہ نہیں جان سکتے کہ جو لوگ انہیں مدعو کرتے ہیں وہ ویڈیوز بنا رہے ہیں یا نہیں۔
مولانا یوسف جمیل نے مزید کہا کہ اگرچہ غیر متعلقہ خاتون کے قریب بیٹھنا اخلاقی طور پر درست نہیں تھا لیکن مولانا طارق جمیل ایک بزرگ انسان ہیں جو ہر خاتون کو اپنی بیٹی کی طرح سمجھتے ہیں۔
انہوں نے کہا کہ میں شخصی طور پر ڈاکٹر نبیحہ کو نہیں جانتا تھا اور واقعے کے بعد سوشل میڈیا کے ذریعے ان کے بارے میں معلومات حاصل کیں۔
مولانا یوسف جمیل نے واضح کیا کہ مولانا طارق جمیل کے گھر میں گانے گانا اور ویڈیوز بنانا مناسب نہیں تھا اور ڈاکٹر نبیحہ کو یہ خیال رکھنا چاہیے تھا کہ مولانا صاحب اس قسم کی سرگرمیوں کی حمایت نہیں کرتے۔
انہوں نے کہا کہ وہ ایک نہایت عاجز اور معصوم انسان ہیں جو کسی کے گھر آنے پر کبھی اعتراض نہیں کریں گے۔
آخر میں انہوں نے تمام لوگوں سے درخواست کی کہ ایسے مذہبی شخصیات کا احترام کریں اور بطور بیٹے یہ ان کی ذمہ داری تھی کہ اپنے والد کا موقف واضح کریں۔
