گوگل نیوز پر ہمیں فالو کریںمعروف کالم نگار اور صحافی و سابق چیئرمین کرکٹ بورڈ نجم سیٹھی نے راشد لطیف کے خلاف تحقیقات پر تحفظات کا اظہار کیا جس پر چیئرمین پی سی بی محسن نقوی نے وضاحت جاری کردی ہے۔
تفصیلات کے مطابق نجم سیٹھی نے سوشل میڈیا پر اپنے پیغام میں کہا کہ مجھے سابق کپتان کے خلاف فراڈ اور من گھڑت تحقیقات پر حیرت ہے، جو انہوں نے پی سی بی کی پالیسیوں پر تنقیدی ریمارکس کے بعد کیں۔کرکٹ انتظامیہ دباؤ ڈالنے والے اقدامات سے گریز کرے۔
تجزیہ کار نجم سیٹھی نے کہا کہ ہم عدلیہ سے توقع کرتے ہیں کہ وہ آزادئ اظہار اور انسانی حقوق کا تحفظ یقینی بنائے گی، جس پر چیئرمین پی سی بی محسن نقوی نے کہا کہ نجم سیٹھی کا تبصرہ غلط، نامناسب اور حقائق کے برعکس ہے۔
@NajamSethi, your comments are completely misplaced, ill-timed, and factually incorrect.
The PCB’s action against Rashid Latif was never about silencing criticism, it was about addressing the deliberate spread of false and defamatory allegations. Our proceedings have remained… pic.twitter.com/zyrx27ZXlA— Mohsin Naqvi (@MohsinnaqviC42) November 22, 2025
سربراہ پی سی بی محسن نقوی نے کہا کہ کرکٹ بورڈ نے سابق کپتان قومی کرکٹ ٹیم راشد لطیف کے خلاف اقدام کبھی بھی تنقید کو تبانے کیلئے نہیں اٹھایا بلکہ جعلی اور ہتک آمیز الزامات کو روکنے کیلئے اٹھایا۔ کرکٹ بورڈ کے اقدامات قانون کے دائرے میں ہیں جن کا مقصد کرکٹ اور کھلاڑیوں کی حفاظت یقینی بنانا ہے۔
انہوں نے کہا کہ راشد لطیف نے اپنے سوشل میڈیا پیغام میں معافی نامہ جاری کرتے ہوئے بورڈ کے مؤقف کی تصدیق کی جسے پی سی بی نے قبول کرلیا ہے۔ پی سی بی کسی کو تنقید کرنے پر دبانے کیلئے کوئی اور طریقہ استعمال کرنے کی بجائے پاکستان کرکٹ اور اس کے اثاثوں کی نگرانی کرتا ہے۔
