فٹبال ورلڈ کپ میں اب تک ہونے والے متعدد اپ سیٹس نے شائقین کو ذہنی طور پر تیار کر دیا تھا کہ کسی بھی وقت کچھ نیا ہو سکتا ہے لیکن یہ توقع کسی نے کم ہی کی ہوگی کہ کوارٹر فائنل مرحلے پر پہنچنے کے لیے کوئی نیا اپ سیٹ ہو سکے گا۔

یہ بھی پڑھیں:

منگل کو مراکش اور اسپین کے درمیان ہونے والا میچ پنالٹی اسٹروک مرحلے پر پہنچا اور مراکش نے پہلی مرتبہ کوارٹر فائنل کے لیے کوالیفائی کیا تو یہ فٹبال شائقین کے لیے ایک دلچسپ مرحلہ ثابت ہوا۔

میچ کے 90 منٹ فیصلہ کن ثابت نہ ہوئے تو دونوں ٹیموں کو 30 منٹ کا اضافی وقت دیا گیا۔ اس وقت میں کوئی ٹیم گول نہ کر سکی تو فیصلہ پنالٹی شوٹ کے مرحلے پر پہنچا۔

اسپین کے کھلاڑی اپنی ابتدائی کوششوں میں ہی ناکام رہے جبکہ مراکش کے کھلاڑیوں نے سوائے ایک کے کوئی موقع ضائع نہ کیا اور یوں فیفا ورلڈ کپ 2022 کا یہ اہم مقابلہ تین، ایک سے مراکش کے نام رہا۔