گوگل نیوز پر ہمیں فالو کریںاسلام آباد :قومی اسمبلی کے ڈپٹی اسپیکر قاسم سوری نے اپنے خلاف تحریک عدم اعتماد پر ووٹنگ سے چند گھنٹے قبل ہی عہدے سے استعفیٰ دے دیا۔
قومی اسمبلی کا اجلاس آج ہونا تھا جس میں ڈپٹی اسپیکر کے خلاف تحریک عدم اعتماد پر ووٹنگ ایجنڈے میں شامل ہے۔
اپوزیشن نے 8 اپریل کو ڈپٹی اسپیکر قومی اسمبلی کے خلاف عدم اعتماد کی قرارداد جمع کرائی تھی۔ قرارداد قومی اسمبلی سیکریٹریٹ کے سیکریٹری کے پاس مسلم لیگ ن کے مرتضیٰ جاوید عباسی نے جمع کرائی تھی۔
قرارداد کے مطابق ڈپٹی اسپیکر نےبار بار قواعد و ضوابط، پارلیمانی طرز عمل، جمہوری اصولوں اور روایات اور یہاں تک کہ آئینی دفعات کی بھی خلاف ورزی کی اور ایوان کی صدارت کرتے ہوئے عوامی مسائل پر نتیجہ خیز بحث کے قابل بنانے کے لیے منظم طریقے سے کارروائی کرنے میں ناکام رہے۔
مزید پڑھیں:کراچی جلسہ، عمران خان کی ریاست مخالف تقریر پر پابندی عائد
