گوگل نیوز پر ہمیں فالو کریںبھارت کے شہر حیدرآباد سے ایک دلخراش واقعہ سامنے آیا ہے جہاں ایک 22 سالہ لڑکی نے محبت کی شادی کے صرف چھ دن بعد مبینہ طور پر پھانسی لگا کر خودکشی کر لی۔ یہ واقعہ ریاست تلنگانہ کے ضلع جگتیال کے ابراہیم پٹنم منڈل کے گاؤں اردنڈی میں پیش آیا۔
پولیس کے مطابق گنگوتری نامی لڑکی کا تعلق اردنڈی گاؤں سے تھا۔ اس نے اسی گاؤں کے ایک نوجوان سنتوش سے محبت کی اور دونوں نے گھر والوں کی رضامندی سے چھ دن قبل شادی کی۔ جمعرات کی رات تہوار کے موقع پر گنگوتری اپنے شوہر کے ساتھ اپنی ماں کے گھر گئی۔ وہاں کھانے کے بعد میاں بیوی کے درمیان کسی بات پر جھگڑا ہوا اور اسی رات گنگوتری نے مبینہ طور پر خودکشی کرلی۔
پولیس حکام نے بتایا کہ لڑکی کی ماں شاردھا کی شکایت پر مقدمہ درج کر لیا گیا ہے۔ پولیس تحقیقات کررہی ہے تاکہ یہ پتہ چلایا جا سکے کہ آیا یہ واقعی خودکشی تھی یا اس کے پیچھے کوئی اور وجہ ہے۔
یہ واقعہ مقامی لوگوں کے لیے صدمے کا باعث بنا ہے اور پولیس اس معاملے کی گہرائی سے چھان بین کر رہی ہے۔
