گوگل نیوز پر ہمیں فالو کریںپاکستان نے آئی ٹی کے شعبے نے ایک اہم سنگ میل عبور کرتے ہوئے میں اکتوبر 2025 میں 386ملین ڈالرز کی برآمدات کیں جو اب تک کی بلند ترین سطح ہے جس کی وجہ اہم پالیسی اقدامات کو قرار دیا جارہا ہے۔
تفصیلات کے مطابق عارف حبیب لمیٹڈ اور اسٹیٹ بینک آف پاکستان (SBP) کے تیار کردہ ڈیٹا کے مطابق 386ملین ڈالرز کا سنگ میل گزشتہ سال کی اسی مدت کے مقابلے میں 17٪ سالانہ اضافہ اور پچھلے مہینے کے مقابلے میں 5.5٪ اضافہ ہے، جس سے مالی سال 26 کے پہلے چار ماہ میں مجموعی آئی ٹی برآمدات $1.4 بلین تک پہنچ گئی ہیں — جو گزشتہ سال کی اسی مدت میں $1.2 بلین تھیں، جو 20فیصد اضافہ ہے۔
ماہرین کا ماننا ہے کہ اکتوبر میں آئی ٹی برآمدات پاکستان کی مجموعی سروس برآمدات کا 47٪ حصہ ہیں، جو پچھلے سال کے مساوی ہے۔ اس اضافے کی وجہ کئی اہم عوامل ہیں، جن میں پاکستانی آئی ٹی کمپنیوں کی MENAP (مڈل ایسٹ، نارتھ افریقہ، افغانستان، اور پاکستان) اور یورپی خطوں میں بڑھتی ہوئی شمولیت، اور امریکی ڈالر کے مقابلے میں پاکستانی روپے کا نسبتاً مستحکم ہونا شامل ہے۔
ان عوامل کے باعث نے برآمد کنندگان کو اپنے منافع کا بڑا حصہ ملک واپس لانے کیلئے راضی ہوئے، جیسا کہ عارف حبیب لمیٹڈ نے بتایا جبکہ اس میں پالیسی اقدامات نے بھی اہم کردار ادا کیا جس میں ایکویٹی انویسٹمنٹ ابروڈ (EIA) سہولت کا تعارف بھی شامل ہے۔
برآمد کنندگان ایکویٹی انویسٹمنٹ ابروڈ (EIA) کی سہولت کا استعمال کرتے ہوئے اپنی فارن کرنسی اکاؤنٹ کی رقم کا 50٪ تک استعمال کرتے ہوئے بیرون ملک کمپنیوں میں حصص حاصل کر سکتے ہیں، جس سے منافع کی وطن واپسی کو مزید فروغ ملا۔
اس کے علاوہ، اسٹیٹ بینک نے برآمد کنندگان کے اسپیشلائزڈ فارن کرنسی اکاؤنٹس میں برقرار رکھنے کی حد 35٪ سے بڑھا کر 50٪ کر دی، جس سے آئی ٹی کمپنیوں کو اپنے آپریشنز بڑھانے اور زیادہ آمدنی فارن کرنسی میں رکھنے کی سہولت ملی۔
پاکستان سافٹ ویئر ہاؤسز ایسوسی ایشن (پاشا) کے حالیہ سروے کے مطابق، 62٪ آئی ٹی کمپنیاں فی الحال اسپیشلائزڈ فارن کرنسی اکاؤنٹس رکھتی ہیں، جو شعبے میں برآمدات کے منافع کے انتظام اور وطن واپسی کے حوالے سے بڑھتی ہوئی اعتماد کی عکاسی کرتا ہے۔
