گوگل نیوز پر ہمیں فالو کریںاسلام آباد: وفاقی وزیرِخزانہ اسحاق ڈار نے کہا ہے کہ بین الاقومی اقتصادی جریدے بلوم برگ کے مطابق پاکستان کے دیوالیہ ہونے کے صرف 10 فیصد امکانات ہیں ۔
سماجی رابطے کی ویب سائٹ ٹوئٹر پر ایک پیغام میں اسحا ق ڈار نے کہا ہے کہ بلومبرگ کی رپورٹ کے مطابق ایک سال کے دوران پاکستان کے ڈیفالٹ کا خطرہ 10 فیصد سے کم کی سطح پر آگیا ہے۔
#Bloomberg pitches Pakistan’s one year probability of default at a low of 10% as opposed to a highly dubious number of 93% circulated by an unscrupulous local political leader a few days ago.
Pakistan will inshaAllah continue to honor its all financial commitments on time! pic.twitter.com/XPbAH7unEh
— Ishaq Dar (@MIshaqDar50) November 25, 2022
ٹوئٹر پیغام میں انہوں نے مزید کہا کہ اس کے برعکس ایک مقامی سیاسی رہنما کے جھوٹے پراپیگنڈے کے مطابق یہ خطرہ 93 فیصد کی بلند ترین سطح پر پہنچ گیا تھا۔
چائے کی پتی،برائلر گوشت اور فارمی انڈوں کی قیمتوں میں اضافہ
اسحاق ڈار نے واضح کیا کہ پاکستان اپنی تمام ادائیگیاں بروقت کرے گا۔
دوسری جانب اسٹیٹ بینک (مرکزی بینک) کی جانب سے مانیٹری پالیسی کا اعلان کردیا گیا ہے تاہم شرح سود میں 1 فیصد کا اضافہ کیا گیا ہے۔
مرکزی بینک کے اعلامیہ میں کہا گیا ہے کہ شرح سود اضافے کے بعد 16 فیصد پر پہنچ گئی ہے،گزشتہ مانیٹری پالیسی میں شرح سود 15 فیصد پر برقرار رکھی گئی تھی۔
مرکزی بینک کے مطابق شرح سود میں ایک فیصد اضافے کا مقصد مہنگائی کو بڑھنے سے روکنا ہے۔مہنگائی کا دباؤ مسلسل اور توقعات سے زیادہ ہے۔فیصلے کا مقصد مالیاتی شعبے کا استحکام بھی ہے۔
