گوگل نیوز پر ہمیں فالو کریں
لاہور: رواں سال کے پہلے نو مہینوں میں پاکستان سے چین کو تل کے بیجوں کی برآمدات بڑھ کر 59.09 لاکھ ڈالر تک پہنچ گئیں جو کہ سال بہ سال کی بنیاد پر 50 فیصد اضافہ کو ظاہر کرتی ہے۔
اعداد و شمار کے مطابق چین نے 39533.855 ٹن سیسم کا بیج درآمد کیا جس کی مالیت 59.09 لاکھ ڈالر کے حجم کے لحاظ سے 22 فیصد زیادہ ہے جبکہ گزشتہ سال اسی عرصے میں یہ 39.44 لاکھ ڈالر کی مالیت سے32487 ٹن تھی۔
جنوری 39.89 لاکھ ڈالر مالیت کے 26658.61 ٹن کے ساتھ پاکستان سے چین کو تل کے بیج برآمد کرنے کے لیے بہترین مہینہ تھا اور اس کے بعد ستمبر میں 5563.45 ٹن مالیت کا 8.66 لاکھ ڈالر کا بیج برآمد کیا گیا ۔اعداد و شمار کے مطابق چین نے دنیا کے مختلف حصوں سے تقریباً 1.35 ارب ڈالر مالیت کے مجموعی طور پر 891238.599 ٹن تل کے بیج درآمد کیے۔
285.44 لاکھ ڈالر مالیت کے 190023.113 ٹن کے ساتھ نائیجیریا نے 2022 کے پہلے نو مہینوں میں چین کو سب سے زیادہ سیسم کے بیج برآمد کیے، اس کے بعد 229.79 لاکھ ڈالر کے ساتھ سوڈان اور 169.12 ملین ڈالر کے ساتھ ٹوگو کانمبر ہے، پاکستان اس فہرست میںآٹھویں نمبر پر ہے اور اس سال کے پہلے نو مہینوں میں چین کو ہونے والی کل برآمدات کا تقریباً 4.43 فیصد حصہ ملا ہے۔
یہاں پر یہ بات قابلِ ذکر ہے کہ پاکستان کی چین کو تل کے بیجوں کی برآمد نے 2021 میں 120.44 لاکھ ڈالر کا تاریخی اعداد و شمار حاصل کیا۔ مجموعی طور پر، چین نے 2021 میں 92516.55 ٹن درآمد کیے اور پاکستان چین کو تل کے بیجوں کی برآمدات میں اہم ممالک میں سے ایک تھا۔
