گوگل نیوز پر ہمیں فالو کریںوسطی افریقہ کی جمہوریہ استوائی گنی نے دبئی میں مقیم پاکستانی نژاد بزنس ٹائیکون عمر فاروق ظہور کو ملک میں 55 ملین ڈالر سے زائد کی براہ راست غیر ملکی سرمایہ کاری لانے پر میڈل آف آنر دیا ہے۔
پاکستانی نژاد تاجر کو یہ ایوارڈ استوائی گنی کے صدر نے ایک تقریب میں دیا جس میں مقامی اور مشرق وسطیٰ کے ممالک کے معززین نے شرکت کی۔ عمر فاروق ظہور مشرق وسطیٰ اور جنوب مشرقی ایشیا کے لیے لائبیریا کے بڑے سفیر ہیں۔
وسطی افریقہ کے مغربی ساحل پر واقع ملک استوائی گنی کے صدر اوبیانگ نگوما مباسوگو نے معدنیات سے مالا مال ملک میں سرمایہ کاری لانے کے لیے عمر فاروق ظہور کی کوششوں کو سراہا۔
صدارتی دفتر نے ایک بیان جاری کرتے ہوئے کہا کہ استوائی گنی اور متحدہ عرب امارات کے درمیان مضبوط تعلقات ہیں جو 2017 میں 36 میگاواٹ کے ڈیزل پاور پلانٹ کی تعمیر سے شروع ہوئے تھے۔ یہ ایوارڈز افتتاحی اور کمیشننگ تقریب میں دیئے گئے جو 2 اگست کو امن کے شہر جبلوہو میں منعقد ہوئی۔
جمہوریہ کے صدر اوبیانگ نگوما مباسوگو نے تقریب میں دبئی کے حکمران خاندان سے تعلق رکھنے والے شیخ احمد المکتوم کو کمانڈر اور نائٹ میڈل سے بھی نوازا۔
سرکاری کمیونیکیشن میں کہا گیا کہ عمر فاروق ظہور نے سرمایہ کاری لانے اور اس پر عمل درآمد میں اہم کردار ادا کیا ہے۔
عمر فاروق ظہور، جو دبئی میں مقیم ہیں، تقریباً دو سال قبل اس بات پر مشہور ہوئے تھے کہ عمران خان کی حکومت نے عمران خان کے مشیر شہزاد اکبر اور عمر فاروق کی سابق اہلیہ صوفیہ مرزا کے گٹھ جوڑ سے ان کے خلاف کئی جعلی مقدمات درج کیے تھے۔
گزشتہ سال عمر فاروق ظہور نے ثبوت پیش کیے کہ انہوں نے سابق وزیراعظم عمران خان سے فرح گوگی اور شہزاد اکبر کے ذریعے نایاب گراف گھڑی جسے توشہ خانہ گھڑی کہا جاتا ہے، خریدی تھی۔ ظہور نے کم از کم 2 ارب روپے کی مہنگی گراف کلائی گھڑی اور سعودی شاہی خاندان کی جانب سے سابق پاکستانی وزیر اعظم کو دی گئی دیگر اشیاء خریدیں۔
