سندھ میں یوم علیؓ کے جلوس و دیگر مذہبی اجتماعات پر پابندی عائد

کراچی: محکمہ داخلہ سندھ نے صوبے میں یوم حضرت علیؓ کے مرکزی جلوس سمیت محافل شبینہ اور ختم القرآن کے اجتماع پر پابندی کا باقاعدہ نوٹیفکیشن جاری کردیا ہے۔

ذرائع کے مطابق محکمہ داخلہ سندھ نے 21 رمضان المبارک یوم علی ؑ کے موقع پر جلوس نکالنے پر پابندی عائد کردی ہے جب کہ ہر قسم کے اجتماع محافل شبینہ اور ختم القرآن کے اجتماع کرنے پر بھی پابندی ہوگی۔محکمہ داخلہ سندھ کے مطابق رمضان میں بھی مختلف اجتماعات پر پابندی برقرار رہے گی۔

اس حوالے سے محکمہ داخلہ سندھ نے اجتماعات پر پابندی کا باضابطہ نوٹی فکیشن بھی جاری کردیا ہے،نوٹیفکیشن میں کہا گیا ہے کہ رمضان المبارک کے دوران تمام مذہبی اجتماعات پر پابندی برقرار رہے گی۔

لاک ڈاؤن پابندیوں کے دوران مجالس جلوس نکالنے کی اجازت نہیں ہوگی اور یوم حضرت علیؓ کےموقع پر بھی جلوس ومجالس کا انعقاد نہیں کیا جائے گا، جبکہ اس حوالے سے سوشل میڈیا پر مختلف خبریں گردش کررہی تھیں کہ مگر نوٹیفکیشن کے جاری ہونے کے بعد صورتحال واضح ہوگئی ہے۔