گوگل نیوز پر ہمیں فالو کریںاسلام آباد: پاکستان تحریک انصاف نے مسلم لیگ (ن )کی حکومت گرانے کے لیے اپوزیشن جماعتوں کا گرینڈ الائنس بنانے کا اعلان کر دیا۔
یہ بات جمعرات کو قومی اسمبلی میں قائد حزب اختلاف عمر ایوب نے کہی۔وہ راولپنڈی کی اڈیالہ جیل میں پی ٹی آئی کے بانی عمران خان سے ملاقات کے بعد پریس کانفرنس سے خطاب کر رہے تھے۔
عمر ایوب نے کہا کہ ہم عمران خان کی ہدایت پر 5 اگست کو صوابی میں ایک بہت بڑا جلسہ کریں گے۔
انہوں نے مزید کہا کہ موجودہ حکومت عوام اور ہمارے قومی اداروں کے درمیان خلیج کو وسیع کرنا چاہتی ہے۔ان کا موقف تھا کہ مسلم لیگ ن کی قیادت این آر او کے نتیجے میں پاکستان واپس آئی۔
اپوزیشن لیڈر نے کہا کہ جب چیف جسٹس تبدیل ہوئے تو نواز شریف پاکستان واپس آئے۔انہوں نے بشریٰ بی بی کو بغیر کسی جرم کے جیل میں رکھنے پر بھی حکومت پر سخت تنقید کی۔
انہوں نے مزید کہا کہ مغربی ممالک فلسطین میں اسرائیلی افواج کے مظالم پر خاموش ہیں۔
سابق اسپیکر قومی اسمبلی اور پی ٹی آئی کے سینئر رہنما اسد قیصر نے کہا کہ گرینڈ الائنس اگلے دو ہفتوں میں ہو جائے گا۔انہوں نے کہا کہ یہ ملک قانون اور آئین کے مطابق چلے گا۔ہم اپوزیشن کی تمام سیاسی جماعتوں سے گرینڈ الائنس بنانے کے لیے مشاورت کریں گے۔
