گوگل نیوز پر ہمیں فالو کریںلوہانسک: مشرقی یوکرائن کے علاقے لوہانسک میں ایک گاؤں کے اسکول پر روسی بمباری میں 60 سے زائد افراد کے مارے جانے کا خدشہ ہے۔
میڈیا رپورٹس کے مطابق روسی فورسز نے ہفتے کی دوپہر بلوہوریوکا کے اسکول پر بم گرایا جہاں تقریباً 90 افراد پناہ لیے ہوئے تھے، جس سے عمارت میں آگ لگ گئی۔
لوہانسک کے ضلعی گورنر سرہی ہیدائی کے مطابق آگ تقریباً چار گھنٹے کے بعد بجھا دی گئی، پھر ملبہ صاف کیا گیا، اور بدقسمتی سے دو لوگوں کی لاشیں مل گئیں۔
انہوں نے کہا کہ تیس افراد کو ملبے سے نکالا گیا، جن میں سے سات زخمی ہوئے۔ عمارت کے ملبے تلے دب کر ساٹھ افراد کے ہلاک ہونے کا خدشہ ہے۔
یوکرین اور اس کے مغربی اتحادیوں نے روسی افواج پر جنگ میں شہریوں کو نشانہ بنانے کا الزام لگایا ہے، جس کی ماسکو نے تردید کی۔
تباہ شدہ جنوب مشرقی بندرگاہی شہر ماریوپول میں، اقوام متحدہ اور انٹرنیشنل کمیٹی آف ریڈ کراس (آئی سی آر سی) کی ثالثی میں ایک ہفتے تک جاری رہنے والے آپریشن میں وسیع و عریض اسٹیل پلانٹ سے متعدد شہریوں کو نکالا گیا ہے۔
مزید پڑھیں:مصر، سینا میں شدت پسندوں کے حملے میں 11 فوجی جاں بحق
