کراچی میں عاشورۂ محرم کے جلوسوں کیلئے سکیورٹی پلان کو حتمی شکل دے دی گئی

کراچی میں عاشورۂ محرم کے جلوسوں کیلئے سکیورٹی پلان کو حتمی شکل دے دی گئی ہے۔ ڈی سی جنوبی نے تصدیق کردی۔

تفصیلات کے مطابق ڈی سی جنوبی تبریز صادق مری کی سربراہی میں 9 اور 10 محرم الحرام کے مرکزی جلوسوں کی گزرگاہوں سمیت تمام انتظامی امور کی نگرانی کیلئے امور کو حتمی شکل گزشتہ روز دی گئی۔ حکام کا کہنا ہے کہ جلوسوں کی نگرانی کیلئے فائنل پلان مرتب کیا گیا ہے۔

یہ بھی پڑھیں:

وزیر اعظم کا قطری امیر سے رابطہ، دو طرفہ تعلقات پر تبادلۂ خیال

ڈی سی جنوبی سمیت تمام اسسٹنٹ کمشنرز، کو محرم الحرام کے مرکزی جلوسوں کی خود نگرانی کی ہدایت کی گئی ہے۔ کسی بھی ناخوشگوار واقعے کی صورت میں ڈی سی جنوبی کی زیرِ قیادت ایمرجنسی پلان بھی مرتب کر لیا گیا۔ راستوں کی نگرانی سی سی ٹی وی کے ذریعے کی جائے گی۔

ضلع جنوبی میں 2 کنٹرول قائم کردئیے گئے۔ پولیس اور رینجرز سمیت قانون نافذ کرنے والے ادارے اور کے ایم سی، ڈی ایم سی، پی ڈی ایم اے، کے ڈبلیو ایس بی، کے الیکٹرک اور سالڈ ویسٹ مینجمنٹ بورڈ انتظامیہ سے رابطے میں رہیں گے۔عوام کو اپنے اردگرد نظر رکھنے کی ہدایت کی گئی۔ 

عوام سے اپیل کی گئی کہ کسی بھی مشکوک سرگرمی کے سامنے آنے کی صورت میں مددگار 15 یا کنٹرول روم، کے نمبرز پر مطلع کریں جبکہ شہری انتظامیہ محرم الحرام کے جلوسوں کیلئے راستوں کی صفائی، لائٹس، سکیورٹی اور سیوریج کے کام پہلے ہی مکمل کر چکی ہے۔