گوگل نیوز پر ہمیں فالو کریںدنیا بھر میں اپنے منفرد انداز اور آواز کیلئے مشہور صوفی گلوکارہ عابدہ پروین کی 72ویں سالگرہ آج منائی جا رہی ہے۔
پاکستان کی نامور گلوکارہ عابدہ پروین معروف موسیقار استاد غلام حیدر کی صاحبزادی ہیں، جو ان کے پہلے استاد بھی تھے۔ انہوں نے 1977 میں ریڈیو پاکستان حیدرآباد سے اپنے موسیقی کے سفر کا آغاز کیا۔
View this post on Instagram
عابدہ پروین نے بابا بلھے شاہ، امیر خسرو، شاہ عبداللطیف بھٹائی، سچل سرمست، بھگت کبیر سمیت کئی عظیم صوفی شاعروں کے کلام کو اپنی آواز دی اور ان کے صوفیانہ کلام کو عالمی سطح پر پذیرائی ملی۔
View this post on Instagram
عابدہ پروین کی سالگرہ کے موقع پر مختلف اداروں اور تنظیموں، خصوصاً شوبز انڈسٹری سے وابستہ افراد کی جانب سے خصوصی تقریبات کا اہتمام کیا جا رہا ہے۔
View this post on Instagram
یہ امر قابل ذکر ہے کہ عابدہ پروین کو ان کی خدمات کے اعتراف میں ستارۂ امتیاز، ہلالِ امتیاز اور لطیف ایوارڈ جیسے اعلیٰ اعزازات سے نوازا جا چکا ہے۔
View this post on Instagram
ان کے کئی گیت عوام میں بے حد مقبول ہوئے، جن میں کتھے مہر علی کتھے تیری ثنا اور ماہی یار دی گھڑولی خاص طور پر نمایاں ہیں جبکہ انہوں نے جب سے تُو نے مجھے دیوانہ بنا رکھا ہے جیسی کلاسیکی غزلیں بھی گائی ہیں۔
View this post on Instagram
عابدہ پروین کا شمار ان چند گلوکاروں میں ہوتا ہے جو صوفیانہ کلام، غزل، اور قوالی سمیت موسیقی کی مختلف اصناف میں مہارت رکھتی ہیں۔ ان کی آواز کی گونج آج بھی دنیا بھر میں سنائی دیتی ہے اور وہ صوفی موسیقی کی سب سے بڑی پہچان سمجھی جاتی ہیں۔
