تنخواہوں میں سب سے زیادہ اضافہ، سندھ وفاق اور باقی صوبوں سے بازی لے گیا

پاکستان پیپلزپارٹی کی سندھ حکومت نے اپنے ملازمین کی تنخواہوں میں 30 فیصد تک اضافے کا منصوبہ بنا کر مرکز اور ملک کے دیگر صوبوں کو پیچھے چھوڑ دیا ہے۔

سندھ کے بجٹ میں گریڈ 1 سے 6 کے ملازمین کی تنخواہوں میں 30 فیصد، گریڈ 7 سے 16 کے ملازمین کی تنخواہوں میں 25 فیصد اور گریڈ 17 سے 22 تک کے ملازمین کی تنخواہوں میں 22 فیصد اضافہ کرنے کی تجویز ہے۔

بجٹ تجاویز کے مطابق سندھ حکومت پنشن میں بھی 15 فیصد اضافہ کرے گی جب کہ کم از کم اجرت 37 ہزار روپے مقرر کی جائے گی۔

واضح رہے کہ مرکز اور پنجاب نے تنخواہوں میں سب سے زیادہ 25 فیصد اضافہ کیا ہے جب کہ خیبرپختونخوا نے پہلے ہی تنخواہوں میں 10 فیصد اضافہ کیا تھا تاہم وہ اس اعداد و شمار پر دوبارہ غور کر رہے ہیں۔

واضح رہے کہ آئندہ مالی سال 2024-25کیلئے سندھ کا بجٹ آج اسمبلی میں پیش کیا جائے گا، سندھ کے بجٹ میں عوام کیلئے اہم منصوبوں متوقع ہیں۔