گوگل نیوز پر ہمیں فالو کریںحکومتِ سندھ نے صوبے کی معاشی اور سماجی ترقی کے لیے ایک اہم فیصلہ کیا ہے۔ سوشل ویلفیئر ڈپارٹمنٹ نے صوبے میں کام کرنے والی تمام غیر سرکاری تنظیموں این جی اوز، آئی این جی اوز، سی بی اوز کو واضح ہدایات جاری کی ہیں کہ وہ اپنی بھرتیوں میں سندھ کے مقامی افراد کو اولین ترجیح دیں۔
صوبائی وزیر برائے سوشل ویلفیئر کے مطابق، اس اقدام کا مقصد مقامی کمیونٹی کی معاشی خوشحالی کو یقینی بنانا اور انہیں ترقی کے عمل میں شامل کرنا ہے۔ اس سلسلے میں درج ذیل ہدایات جاری کی گئی ہیں۔
حکومتِ سندھ کا بڑا فیصلہ
سوشل ویلفیئر ڈپارٹمنٹ، حکومتِ سندھ نے صوبے میں کام کرنے والی تمام INGOs، NGOs، CBOs اور دیگر غیر سرکاری تنظیموں کو ہدایت جاری کی ہے کہ وہ مقامی افراد کو روزگار دینے کو اولین ترجیح دیں۔صوبائی وزیر برائے سوشل ویلفیئر سندھ کے احکامات کے تحت:
تمام تنظیمیں… pic.twitter.com/Z4NqHIE6Oy
— Sindh Information Department (@sindhinfodepart) September 30, 2025
تمام غیر سرکاری تنظیمیں اپنی بھرتی کے عمل میں سندھ کے رہائشیوں کو فوقیت دیں گی۔ مقامی افراد کے لیے روزگار کے نئے مواقع پیدا کیے جائیں گے تاکہ ان کی معاشی حالت بہتر ہو۔ اس اقدام سے صوبے میں عوامی فلاح و بہبود کے منصوبوں کو مزید تقویت ملے گی۔
پاکستان میں صرف ایک موبائل کمپنی باقی رہنے والی ہے؟ پی ٹی سی ایل کا بڑا قدم
حکومت نے کمشنرز اور ڈپٹی کمشنرز کو ہدایت دی ہے کہ وہ اس فیصلے پر عملدرآمد کو یقینی بنائیں اور کسی بھی قسم کی رکاوٹ یا مسئلے کی صورت میں فوری طور پر سوشل ویلفیئر ڈپارٹمنٹ کو مطلع کریں۔
یہ فیصلہ سندھ کے عوام کے لیے ایک نئی امید کی کرن ثابت ہوگا اور صوبے کی ترقی میں کلیدی کردار ادا کرے گا۔
