گوگل نیوز پر ہمیں فالو کریںطویل سیاسی تنازعات، استعفوں اور انتخابی کشمکش کے بعد پاکستان تحریکِ انصاف کے سہیل خان آفریدی نے بالآخر وزیرِاعلیٰ خیبر پختونخوا کے طور پر حلف اٹھا لیا۔
تقریبِ حلف برداری پشاور کے گورنر ہاؤس میں منعقد ہوئی جہاں گورنر خیبر پختونخوا فیصل کریم کنڈی نے ان سے عہدے کا حلف لیا۔
یہ پیش رفت اُس وقت سامنے آئی جب پشاور ہائی کورٹ نے ایک روز قبل گورنر خیبر پختونخوا کو حکم دیا تھا کہ وہ سہیل آفریدی سے آج سہ پہر چار بجے تک وزیرِاعلیٰ کا حلف لیں۔
Here's Imran Khan's opening batsman, CM of KPK, Sohail Afridi pic.twitter.com/bwOVQSfWQd
— Samra's soul(804) is in Adiala jail (@IK_chahti_hn) October 15, 2025
عدالت کے اس واضح حکم کے بعد صوبے میں کئی دنوں سے جاری سیاسی بے یقینی کا خاتمہ ہوا۔
واضح رہے کہ صوبے میں نئے وزیرِاعلیٰ کے انتخاب سے متعلق کئی روز سے سیاسی ہلچل جاری تھی، جس کے دوران مختلف دھڑوں کے درمیان اختلافات اور تاخیر نے صورتِ حال کو مزید پیچیدہ بنا دیا تھا۔
سہیل خان آفریدی کی حلف برداری کے ساتھ ہی خیبر پختونخوا میں نئی صوبائی حکومت کے قیام کا عمل باضابطہ طور پر مکمل ہو گیا ہے۔
