گوگل نیوز پر ہمیں فالو کریں’دی لیجنڈ آف مولا جٹ‘ آج پاکستان سمیت برطانیہ، امریکا اور سعودی عرب جیسے ممالک میں نمائش کے لیے پیش کی جارہی ہے۔
گزشتہ روز فلم کے رنگا رنگ پریمیئر کا انعقاد کیا گیا جس میں فلم کی کاسٹ کے علاوہ دیگر شوبز ستاروں نے بھی شرکت کی۔ آیئے اس دلکش تقریب پر ایک نظر ڈالتے ہیں:
فلم کے بارے میں کہا جارہا ہے کہ یہ اب تک کی پاکستان کی سب سے مہنگی فلم ہے۔
لاہور کے مقامی سینیما گھر میں منعقدہ پروقار تقریب میں فلم کے مرکزی کردار نبھانے والے فنکاروں فواد خان، ماہرہ خان، حمائمہ ملک، گوہر رشید سمیت مختلف اداکاروں نے شرکت کرکے تقریب کو چار چاند لگا دیئے۔
کورونا اور دیگر پابندیوں کے باعث فلم کو کئی تاخیر کا سامنا کرنا پڑا اور آخر کار اسے پروڈکشن کے بعد ریلیز کیا جا رہا ہے۔ فلم پر کام 2017 میں شروع ہوا۔
پنجابی زبان کی یہ فلم 1979 کی کلاسک مولا جٹ کا ری میک ہے جسے یونس ملک نے پروڈیوس کیا ۔
ناصر ادیب نے دی لیجنڈ آف مولا جٹ کے مکالمے لکھے جبکہ بلال لاشاری نے اسکرین پلے لکھا۔
پنجابی فلم کو عمارہ حکمت کے انسائیکلو میڈیا اور لاشاری فلمز کے بینر تلے پروڈیوس کیا گیا ہے۔
