گوگل نیوز پر ہمیں فالو کریںتھائی لینڈ کے جنوبی علاقے میں مون سون کی تیز بارشوں نے تباہی مچا دی، موسلا دھار بارش نے 300سالہ ریکارڈ توڑدیا جبکہ مختلف حادثات میں 19افراد جاں بحق ہوگئے ہیں۔
تفصیلات کے مطابق جنوبی تھائی لینڈ میں 19 نومبر سے جاری بارشوں نے معمولاتِ زندگی درہم برہم کردئیے۔ صرف 3روز میں جنوبی علاقوں میں مجموعی طور پر 630 ملی میٹر بارش ریکارڈ کی گئی۔ ہٹ یائی میں 21نومبر کو ایک ہی روز میں 335 ملی میٹر بارش ہوئی۔
طوفانی بارشوں کے باعث ملک کے مختلف علاقوں میں پانی کی سطح بلند ہوگئی اور ندی نالوں میں طغیانی کے باعث متعدد علاقے زیر آب آگئے۔ تھائی حکام نے بارش کے ساتھ سیلابی صورتحال میں پھنسے ہوئے افراد کو بچانے کیلئے ریسکیو آپریشن شروع کردیا۔
Floodwaters in Hat Yai, Songkhla province have surged to 1.5–3 meters, forcing authorities to order a full evacuation of residents and tourists. pic.twitter.com/sfxb4KM8YN
— Breaking911 (@Breaking911) November 25, 2025
سیلابی صورتحال کے باعث متعدد شہریوں کی ویڈیوز سامنے آئیں جو بجلی کے تاروں پر چل کر اپنی جان بچانے کی کوشش میں مصروف ہیں۔ تھائی وزارتِ صحت کا ماننا ہے کہ سیلاب اور کرنٹ لگنے کے حادثات میں 19افراد ہلاک ہوگئے ہیں۔
