سری لنکن پارلیمنٹ میں نئے صدر کے انتخاب کیلئے ووٹنگ آج ہوگی

کولمبو: سری لنکن پارلیمنٹ میں نئے صدر کے انتخاب کیلئے ووٹنگ آج ہوگی۔

تفصیلات کے مطابق سری لنکا میں آج  نئے صدر کا انتخاب کیا جائے گا۔ سری لنکن پارلیمنٹ صدر کا چناؤ کرے گی۔ قائم مقام صدر رانیل وکرما سنگھے سمیت 3 صدارتی امیدوار مدمقابل ہیں۔

خیال رہے کہ اِس وقت سری لنکا میں وزیراعظم وکرما سنگھے بطورِ عبوری صدر فرائض سرانجام دے رہے ہیں۔

یاد رہے کہ عوام کے مظاہرے کے بعد سری لنکن صدر گوٹابایا راجا پاکسے عہدے سے مستعفی ہوگئے تھے۔

سری لنکا میں جو نیا صدر منتخب ہوگا وہ 2024 میں ہونے والے نئے انتخابات سے قبل دو سال پورے کرے گا۔

یہ بھی پڑھیں:

ٹوئٹر کی درخواست پر عدالت نے اکتوبر میں سماعت مقرر کرلی

دوسری جانب سری لنکا کے قائم مقائم صدر رانیل وکرم سنگھے نے ملک میں ایک بار پھر ایمرجنسی نافذ کردی ہے، یہ اقدام نئے صدر کے انتخاب کیلئے پارلیمنٹ میں ووٹنگ کے دوران ماحول پُرامن رکھنے کیلئے اُٹھایا گیا ہے۔

واضح رہے کہ  سری لنکا میں بدترین معاشی بحران پر پر تشدد احتجاج کے بعد  سابق صدرگوٹابایا راجا پاکسے عہدے سے مستعفی  ہو گئے تھے۔