عمران خان اور امریکی سفیر کے درمیان کوئی رابطہ نہیں ہوا، شیریں مزاری

اسلام آباد: پاکستان تحریک انصاف کی رہنما شیریں مزاری نے کہا ہے کہ سابق وزیراعظم عمران خان اور امریکی سفیر کے درمیان کوئی رابطہ نہیں ہوا ہے۔

تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں شیریں مزاری نے کہا کہ اس بات میں صداقت نہیں کہ عمران خان اور امریکی سفیر کے درمیان کسی قسم کا رابطہ ہوا ہے۔

There is absolutely no truth in Imran Khan having had any conversation on cell/video link with US envoy Blome. It is part of vilification campaign planned against IK by an Imported govt terrified of IK politically. We expect more such fake claims & “evidences” will follow!

— Shireen Mazari (@ShireenMazari1) August 11, 2022

دوسری جانب سیکرٹری جنرل تحریک انصاف اسد عمر نے اپنے ٹوئٹر پیغام میں کہا جیسے ہر ہفتے مہنگائی کے اعداد و شمار جاری کیے جاتے ہیں اسی طرح عمران خان اور امریکی سفیر کے درمیان رابطے کی کہانی سامنے آئی ہے۔

یہ بھی پڑھیں:

پاکستان اور ترکیہ کے درمیان ترجیحی تجارتی معاہدہ طے پاگیا

خیال رہے کہ چیئرمین تحریک انصاف عمران خان کے پاکستان میں امریکی سفیر ڈونلڈ بلوم سے رابطے کا انکشاف ہوا ہے۔ ذرائع کے مطابق عمران خان اور پاکستان میں امریکی سفیر ڈونلڈ بلوم کے درمیان رابطہ وزیراعلیٰ خیبرپختونخوا اور امریکی سفیر کے درمیان ملاقات کے دوران ہوا تھا۔

وزیراعلیٰ خیبر پختونخوا محمود خان نے وزیراعلیٰ ہاؤس کے سائیڈ روم میں تنہا لے جا کر امریکی سفیر اور سابق وزیراعظم عمران خان کے درمیان بات کرائی۔

ذرائع کے مطابق عمران خان کا کہنا تھا کہ ڈونلڈ لو کے خیالات کو امریکی حکومت کا مؤقف نہیں بننا چاہیے تھا۔ پاکستان کے عوام نے اسی لیے امریکا کے خلاف شدید ردعمل دیا۔

امریکی سفیر ڈونلڈ بلوم کا کہنا تھا کہ مجھے ذمہ داری سنبھالے دو ماہ کا عرصہ ہوا ہے، آپ کی بات سے اپنی حکومت کو آگاہ کروں گا۔