گوگل نیوز پر ہمیں فالو کریںبھارتی شہر حیدرآباد کے علاقے امبیڈکر نگرمیں ایک شادی شدہ عورت نے اپنے 19 سالہ بیٹے کی مدد سے اپنے بوائے فرینڈ کو قتل کر دیا۔
پولیس کے مطابق 40 سالہ سیوا ریڈی جو آندھرا پردیش کے انامیا ضلع کا رہائشی تھا پچھلے تقریباً دس سال سے ایک عورت کے ساتھ غیر رسمی ازدواجی تعلق میں رہ رہا تھا۔ اس دوران عورت کا بیٹا بھی انہی کے ساتھ رہائش پذیر تھا۔ گزشتہ کچھ مہینوں سے سیوا ریڈی مبینہ طور پر دونوں کو ذہنی طور پر پریشان اور ہراساں کر رہا تھا جس سے حالات کشیدہ ہو گئے تھے۔
اتوار کی رات گئے صورتحال اس وقت سنگین ہو گئی جب عورت اور اس کے بیٹے نے مبینہ طور پر سیوا ریڈی کو قتل کر دیا۔
واردات کے بعد انہوں نے لاش کو ایک بورے (گونی کے تھیلے) میں ڈال کر وہاں سے منتقل کرنے کی کوشش کی۔ اطلاع ملنے پر جیڈیمتلا پولیس موقع پر پہنچی اور لاش کو قبضے میں لے لیا۔ پولیس نے دونوں ماں بیٹے کو حراست میں لے کر تفتیش شروع کر دی ہے تاکہ واقعے کی مزید تفصیلات سامنے آ سکیں۔
