گوگل نیوز پر ہمیں فالو کریںعامر لیاقت کی تیسری اہلیہ دانیہ شاہ نے ایک انٹرویو کے دوران کہا کہ طوبیٰ انور ان کے پاس آجائیں تو بھی انہیں کوئی اعتراض نہیں ہوگا، ان کے ساتھ خوشی سے زندگی گزاریں گی اور بڑی بہن سمجھ کر اپنے ساتھ رکھیں گی۔
پاکستان تحریک انصاف کے رکن اسمبلی، اسکالر اور ٹی وی میزبان عامرلیاقت نے اپنی تیسری اہلیہ دانیہ شاہ کے ہمراہ ایک انٹرویو میں دعویٰ کیا کہ انہوں نے اپنی سابقہ اہلیہ طوبیٰ انور کوشرعی طور پر طلاق نہیں دی، اس لئے وہ دوسری کسی طرح سے نہیں کرسکتیں۔
عامر لیاقت نے ’ایف ایچ ایم میگزین‘ کو دیے گئے انٹرویو میں دعویٰ کیا کہ انہوں نے نہ تو طوبیٰ انور کو طلاق دی، نہ تو وہ خلع پر دستخط کرنےعدالت گئے۔
عامر لیاقت کے مطابق اُن کی سابقہ اہلیہ نے آئین کے مطابق خلع لی مگر وہ شرعی خلع نہیں۔عامر لیاقت نے کہا کہ مذہب اسلام کے مطابق خلع کے لیے بھی شوہر کا رضامند ہونا لازمی ہوتا ہے، اس لیے طوبیٰ انور کی شرعی خلع نہیں ہوئی۔
پروگرام کے دوران ایک سوال پر وضاحت کی کہ اگر طوبیٰ انور نے دوسری شادی کی تو وہ ’ناجائز‘ تصور ہوگی، وہ ’گناہ اور زنا‘ ہوجائے گا۔
View this post on Instagram
واضح رہے کہ پروگرام کے دوران ان کی تیسری اہلیہ سیدہ دانیہ شاہ نے کہا کہ اگر اب بھی عامر لیاقت کی سابق اہلیہ طوبیٰ انور ان کے پاس آجائیں تو بھی انہیں کوئی اعتراض نہیں ہوگا اور ان کے ساتھ خوشی سے زندگی گزاریں گی۔ سیدہ دانیہ شاہ کے مطابق وہ طوبیٰ انور کو اپنی بڑی بہن سمجھ کر اپنے ساتھ رکھیں گی۔
View this post on Instagram
