گوگل نیوز پر ہمیں فالو کریںمیکسیکو کی پچیس سالہ فیشن ڈیزائنر اور ماڈل فاطمہ بوش فرننڈیز کو بنکاک میں مس یونیورس 2025 کے ٹائٹل سے نوازا گیا، جو ایک تاریخی لمحہ ہے کیونکہ وہ یہ اعزاز حاصل کرنے والی چوتھی میکسیکن خاتون ہیں۔
مس یونیورس کا انتخاب عمل میں آنے کے بعد ہر کوئی یہ جاننے کی لگن میں ہے کہ حسینہ عالم کا تاج سر پر سجانے والی یہ خوبرو دوشیزہ ہے کون؟ آئیے جانتے ہیں کہ فاطمہ بوش کون ہیں؟
ابتدائی زندگی
فاطمہ 19 مئی 2000 کو ٹیپا، تاباسکو میں پیدا ہوئیں اور میکسیکو کے جنوبی علاقے میں پرورش پائیں، پھر تعلیم کے لیے میکسیکو سٹی منتقل ہو گئیں۔
ان کے ایک بیان کے مطابق بچپن میں انہیں ڈسلیکسیا، ADHD اور ہائپر ایکٹیویٹی کی تشخیص ہوئی، جو ان کی مضبوطی اور وکالت کے کام کو متاثر کرنے والے چیلنجز تھے۔
انہوں نے کہا کہ اسکول کے دوران انہیں ہونے والی بدمزگی نے انہیں خود اعتمادی، ذہنی صحت کی آگاہی اور نیورو ڈائیورسٹی کی قبولیت کو فروغ دینے کے لیے حوصلہ دیا۔
تعلیم
فاطمہ بوش نے میکسیکو سٹی کی یونیورسیداد ایبیروامریکنہ سے فیشن اور اپیرل ڈیزائن میں ڈگری حاصل کی۔ انہوں نے اپنی تربیت کو اٹلی کے میلان میں نووا اکیڈیمیا دی بیلے آرٹی (NABA) میں مزید نکھارا۔
اس سے قبل انہوں نے ورمونٹ USA کے لنڈن انسٹی ٹیوٹ میں تعلیم حاصل کی۔ ان کا بین الاقوامی تجربہ ان کے فیشن سینس اور عالمی نقطہ نظر میں نمایاں کردار ادا کرتا ہے۔
مقابلہ حسن کا سفر
فاطمہ کا پیجینٹ کیریئر 2018 میں فلور تاباسکو کے علاقائی ٹائٹل جیتنے سے شروع ہوا، جس نے انہیں قومی سطح پر نمایاں کیا۔
13 ستمبر 2025 کو وہ مس یونیورس میکسیکو 2025 کا تاج جیتیں اور تاباسکو سے پہلی خاتون کے طور پر اپنے سر پر قومی حسینہ کا تاج حاصل سجایا۔
جس کے بعد انہوں نے مس یونیورس 2025 کے انتخاب میں اپنے ملک کی نمائندگی کی، جہاں ان کے اعتماد، مواصلاتی مہارت اور وکالت کے کام نے انہیں مقابلے کے دوران نمایاں حصہ لینے والی امیدوار بنایا۔
پیجینٹ سے پہلے تنازع
فاطمہ نے مس یونیورس کے فائنل سے پہلے عالمی توجہ حاصل کی جب اسٹیج پر ایک سینئر پیجینٹ آرگنائزر کے ساتھ تنازع ہوا، جنہوں نے بوش پر پروموشنل ذمہ داریوں کے حوالے سے تنقید کی۔
جس پر بوش نے احتجاجاً واک آؤٹ کیا، جس پر بہت سے لوگوں نے ان کے وقار اور اصولوں کے دفاع کی تعریف کی۔ ان کا پر سکون مگر پرعزم ردعمل ان کے انتخاب میں بھی کام آگیا۔
