گوگل نیوز پر ہمیں فالو کریںاسلام آباد: پاکستان تحریک انصاف کے رہنماء اور سابق وزیر اعظم کے معاون زلفی بخاری نے پی ٹی آئی چیئرمین کی اہلیہ بشریٰ بی بی کے ساتھ مبینہ آڈیو لیک کی تردید کردی ہے، انہوں نے مطالبہ کیا کہ مبینہ آڈیو کا فرانزک کرایا جائے۔
سوشل میڈیا سائٹ ٹوئٹر پر اپنے تصدیق شدہ اکاؤنٹ پر پوسٹ کیے گئے پیغام میں زلفی بخاری نے اس بات کو مسترد کردیا کہ انہوں نے گھڑیاں خریدی یا بیچی ہیں۔
پہلے کہا جا رہا تھا کہ عمر ظہور نامی کسی شخص کو فرح گجر کے ذریعے گھڑیاں بیچی گئیں، جب ان کو لیگل نوٹس بھیجا تو اب نئ کہانی سامنے آگئ ہے کہ اصل میں یہ گھڑی میرے ذریعے بیچی گئیں، میں واضع کر دوں کوئ گھڑی نہ میں نے لی نہ میں نے بیچی
1/2— Sayed Z Bukhari (@sayedzbukhari) December 8, 2022
انہوں نے ویڈیو کو جعلی قرار دیتے ہوئے مطالبہ کیا کہ اسے فوری طور پر فرانزک جانچ کے لئے بھیجا جائے۔ انہوں نے پیشکش کی کہ میں اپنیخرچ سے فارنزک کرانے کے لئے تیار ہوں۔
تازہ ترین آڈیو میں، عمران خان کی اہلیہ بشریٰ بی بی نے زلفی بخاری سے رابطہ کیا اور کہا کہ وہ کچھ ایسی گھڑیاں ٹھکانے لگائیں جو سابق وزیراعظم کے استعمال میں نہیں ہیں۔
دوسری جانب تحریک انصاف کے رہنماء زلفی بخاری اپنی مبینہ آڈیو میں بول رہے ہیں کہ جی ضرور مرشد، میں کردوں گا۔
مزید پڑھیں:ذلفی بخاری اور سابق خاتونِ اوّل بشریٰ بی بی کی مبینہ آڈیو سامنے آگئی
یاد رہے کہ اس سے قبل سابق خاتون اول بشریٰ بی بی اور پی ٹی آئی کے سوشل میڈیا ہیڈ ارسلان خالد کی بھی مبینہ آڈیو سامنے آئی تھی۔
