وزیر اعظم عمران خان کی اہلیہ بشریٰ بی بی بھی کورونا وائرس میں مبتلا

اسلام آباد: وزیراعظم عمران خان کے بعد ان کی اہلیہ بشریٰ بی بی بھی کورونا وائرس کا شکار ہوگئیں۔

وزیراعظم عمران خان کے معاون خصوصی برائے اوورسیز پاکستانیز ذلفی بخاری نے خاتون اول بشریٰ بی بی کے کورونا وائرس میں مبتلا ہونے کی تصدیق کی۔

وزیراعظم عمران خان کے معاون خصوصی برائے اوورسیز پاکستانیز ذلفی بخاری نے ٹوئٹ کرتے ہوئے کہا کہ اللہ پاک وزیراعظم عمران خان اور خاتون اول بشریٰ بی بی کو شفا عطا فرمائے۔

Wishing our First Lady & PM @ImranKhanPTI a speedy recovery.
May Allah give them both shifa.

Vaccines are safe & must be taken, #PMIK had his first shot just a day ago, before which he was exposed already.
Please do get yourself & loved ones vaccinated and fight the fake news! pic.twitter.com/kh7HvD2Qv5

— Sayed Z Bukhari (@sayedzbukhari) March 20, 2021

واضح رہے کہ آج وزیراعظم عمران خان میں کورونا وائرس کی تشخیص ہوئی ہے جس کے بعد سے انہوں نے اپنے آپ کو گھر میں قرنطینہ کرلیا ہے۔

وزیراعظم عمران خان کے معاون خصوصی برائے صحت ڈاکٹر فیصل سلطان کے مطابق وزیراعظم عمران کی طبیعت بہتر ہے اور وہ ہشاش بشاش ہیں، ان میں کورونا کی علامات بہت معمولی نوعیت کی ہیں۔انشاء اللہ جلد ریکور کرلیں گے۔

واضح رہے کہ بھارتی وزیر اعظم نریندر مودی نے وزیر اعظم عمران خان کی صحت یابی کے لئے نیک خواہشات کا اظہار کیا ہے۔

بھارتی وزیر اعظم نریندر مودی نے سوشل میڈیا پر ٹوئٹ کرتے ہوئے کہا کہ میری دعا ہے کہ عمران خان خان جلد یاب ہوں۔ انہوں نے کہا کہ میری نیک تمنائیں اُن کے ساتھ ہیں۔

مزید پڑھیں: ویکسین لگوانے کے بعد وزیراعظم عمران خان کورونا وائرس کا شکار، طبیعت ناساز