سی ڈی اے کا اندرونِ شہر سفر کیلئے 2 الیکٹرک بسیں متعارف کرانیکا فیصلہ

اسلام آباد: کیپٹل ڈویلپمنٹ اتھارٹی (سی ڈی اے) نے اندرونِ شہر سفر کرنے والے مسافروں کو سہولت دینے کی غرض سے 2 الیکٹرک بسیں متعارف کرانے کا فیصلہ کیا ہے۔

تفصیلات کے مطابق سی ڈی اے نے اسلام آباد میں 2 آل الیکٹرک فیڈر بسیں چلانے کا منصوبہ بنا لیا جو مسافروں کو گرین اور بلیو لائن میٹرو ٹرمینلز تک جانے میں مددگار ثابت ہوں گی۔

یہ بھی پڑھیں:

پی آئی اے کا 6جولائی سے چینگڈو براہِ راست پرواز کا اعلان

واضح رہے کہ گرین لائن بس سروس بارہ کہو (جیلانی اسٹاپ) اور پاکستان انسٹیٹیوٹ آف میڈیکل سائنسز (پمز/) تک جبکہ بلیو لائن سروس پمز اور پی ڈبلیو ڈی کے مابین پھیلی ہوئی ہے۔

دونوں روٹس پر بس اسٹیشنز کی تعمیر جاری ہے جو اگست میں مکمل ہوگی تاہم سی ڈی اے حکام نے دونوں سروسز کے جلد آغاز کا فیصلہ کر لیا۔ ابتدائی طور پر بسیں مین شاہراہ سے گزریں گی۔

سی ڈی اے حکام نے بسوں کیلئے ٹریکس بنانے کا ارادہ ظاہر کرتےہوئے کہا ہے کہ 2 الیکٹرک بسیں عوام کیلئے سہولت کی دستیابی یقینی بنائجیں گی جس سے ماحولیاتی تحفظ کو فروغ ملے گا۔

دوسری جانب سی ڈی اے حکام وزیر اعظم شہباز شریف کی جانب سے بسز کے کرایوں کی منظوری دئیے جانے کے منتظر ہیں۔ افتتا سے قبل وزیر اعظم کو بس سروس کی تفصیلی پریزنٹیشن دی جائے گی۔