لاہور، بغیر اجازت فریج سے کھانا نکالکر کھانے پر کمسن گھریلو ملازم قتل

لاہور میں ملزمان نے بغیر اجازت فریج میں رکھا گیا کھانا کھانے پر کمسن گھریلو ملازم کو قتل کردیا۔

تفصیلات کے مطابق لاہور میں گھر کے مالکان نے دو گھریلو ملازمین کو ریفریجریٹر میں فریز کیا گیا کھانا کھاتے ہوئے دیکھ لیا اور دونوں پر تشدد شروع کردیا۔ بد ترین تشدد کے باعث ایک کمسن ملازم جاں بحق ہوگیا۔

یہ بھی پڑھیں: 

مختلف شہروں میں ٹریفک حادثات، 7افراد جاں بحق

پولیس کا کہنا ہے کہ کمسن ملازم بد ترین تشدد کے باعث شدید زخمی تھا جو زخموں کی تاب نہ لاتے ہوئے جان کی بازی ہار گیا۔ دونوں ملازمین ڈیفنس کے بنگلے میں گزشتہ سال سے کام کر رہے تھے۔

قتل کا واقعہ سامنے آنے پر پولیس حرکت میں آگئی۔ ایک خاتون سمیت 3 ملزمان کو گرفتار کر لیا گیا ہے جن سے واقعے پر تفتیش کی جارہی ہے۔ ملزمان نے قتل کا اعتراف کر لیا۔ 

واقعے کے متعلق پولیس کا مزید کہنا ہے کہ بچوں کے والدین کو گھر کے مالکان کا فراہم کیا گیا فون نمبر بند آرہا تھا جس کی وجہ سے وہ دونوں کمسن ملازمین سے رابطہ نہیں کرسکے۔ 

ملزمان نے اعتراف کیا ہے کہ انہوں نے دونوں کمسن گھریلو ملازمین کو ریفریجریٹر سے بغیر اجازت کھانا نکال کر کھاتے ہوئے دیکھا اور شدید تشدد کیا جس کے باعث ایک بچہ جاں بحق ہوگیا۔