گوگل نیوز پر ہمیں فالو کریںکراچی: پاکستان اسٹاک ایکسچینج میں آج کاروباری روز کے دوران دباؤ کا سامنا رہا، کے ایس ای 100انڈیکس کاروبار کے دوران 600 پوائنٹس سے زیادہ گر گیا۔
پنجاب کے ضمنی انتخابات اور وزیر اعلیٰ کے انتخاب کے ارد گرد سیاسی ہنگامہ آرائی نے سرمایہ کاروں کے ذہنوں میں گھبراہٹ پیدا کر دی ہے، اور انہیں اپنی ہولڈنگز فروخت کرنے پر اکسایا ہے۔
پورے کاروباری روز کے دوران بینچ مارک KSE-100 انڈیکس نیچے کی جانب گامزن رہا، سرمایہ کاروں نے شیئرز فروخت کرنے کو ترجیح دی۔
عارف حبیب لمیٹڈ کے مطابق کے ایس ای 100 انڈیکس میں یومیہ 1.55 فیصد کمی ہوئی جو کہ 23 نومبر 2020 کے بعد کی کم ترین سطح ہے۔
دوسری جانب پاکستانی روپیہ مسلسل گرتا رہا، انٹربینک مارکیٹ میں امریکی ڈالر کے مقابلے میں پاکستانی روپیہ 226.81 کی اب تک کی کم ترین سطح پر آگیا۔
مزید پڑھیں:اگلے دو ماہ فرنس آئل اور ڈیزل امپورٹ نہیں کیا جائے گا، مفتاح اسماعیل
